by Giorgi 
სამმა საფულემ მსოფლიო თასზე Polymarket-ის ფსონებით 24.25 მილიონი დოლარი გამოიმუშავა
Lookonchain-ის ანალიტიკოსების განცხადებით, Polymarket-ის პლატფორმაზე მსოფლიო თასზე ფსონებით სამმა საფულემ ჯამში 24.25 მილიონი დოლარის მოგება მიიღო.
მომხმარებელმა სახელად mintblade დადებული ხუთივე ფსონის მოგებით 9.24 მილიონი დოლარი გამოიმუშავა , GRIMDRIP-ის სახელით დარეგისტრირებულმა მომხმარებელმა ორი ფსონიდან ორივე მოიგო და 7.6 მილიონი დოლარი გამოიმუშავა, ხოლო მომხმარებელმა endlessFate ცხრა ფსონიდან ექვსის მოგებით 7.41 მილიონი დოლარი გამოიმუშავა.
სამივე საფულემ მოგებული თანხების Binance-ზე გადასარიცხად ერთი და იგივე დეპოზიტის მისამართით (0xB08B…317D) ისარგებლა. Lookonchain-ის ექსპერტების თქმით, ეს შესაძლოა იმაზე მიუთითებდეს, რომ საფულეებს ერთი ადამიანი აკონტროლებდა. მოგების მიღების შემდეგ საფულეებმა ბლოკჩეინ პლატფორმაზე ვაჭრობა შეწყვიტეს და დარჩენილი თანხები გაიტანეს.
Lookonchain-ის სპეციალისტებმა მსოფლიო თასზე რამდენიმე დიდი ფსონი მანამდეც დააფიქსირეს, მაგრამ ამ ტრანზაქციებს შორის კავშირის აღმოჩენა ამ დრომდე ვერ მოხერხდა. მაგალითად, საფულემ Weatherman12 არგენტინის წაგებაზე 1.81 მილიონი დოლარი დადო. ანგარიშმა LEEEROYJENKINS თურქეთის წინააღმდეგ ავსტრალიის დამარცხებაზე საპირისპირო ფსონის დადებით 5.2 მილიონი დოლარი გამოიმუშავა.
16 ივნისს, ამერიკულმა სათამაშო ასოციაციებმა აშშ-ის სენატს ბლოკჩეინ ბაზრებზე სპორტული ფსონების აკრძალვასთან დაკავშირებით მიმართეს. დაახლოებით ამავე დროს, კენტუკის გენერალურმა პროკურორმა რასელ კოულმენმა (Russel Coleman) განაცხადა, რომ შტატმა არალიცენზირებული სპორტული ფსონების დადების ბრალდებით ხუთი კრიპტო პლატფორმის წინააღმდეგ სასამართლოს მიმართა.
ამასობაში, Polymarket World Cup Winner-ის კონტრაქტის ვაჭრობის მოცულობამ გასულ წელს მისი გაშვებიდან დღემდე 2.34 მილიარდ დოლარს გადააჭარბა, ხოლო ინდივიდუალური კონტრაქტების ლიკვიდურობის ფონდმა 350 მილიონ დოლარს მიაღწია. ტურნირის გახსნის დღეებსა და პირველ მატჩებში ინდივიდუალური ფსონების დღიური ვაჭრობის მოცულობამ 100 მილიონ დოლარს გადააჭარბა.
წყარო: https://t.me/lookonchainchannel/9098
სიახლეების გამოწერა
