სამხრეთ კორეის კრიპტობირჟების 70% დახურვისას კლიენტებს ფულს არ უბრუნებს
სამხრეთ კორეის ფინანსური ზედამხედველობის სამსახურის (FSS) და ფინანსური დაზვერვის განყოფილების კვლევის მიხედვით, ქვეყანაში გაუქმებული ათი კრიპტო ბირჟიდან შვიდი კლიენტებისთვის ფულის დაბრუნებას ვერ ახერხებს.
მოხსენებაში ნათქვამია, რომ იმ კრიპტობირჟებიდან, რომლებმაც მომხმარებლებს თანხა არ დაუბრუნეს შვიდიდან ექვსს ოპერაციების შეწყვეტის ან მუშაობის შეჩერების გეგმების შესახებ მომხმარებლებისთვის წინასწარ არ უცნობებიათ.
მაშინაც კი, თუ პრობლემური პლატფორმები მზად არიან მომხმარებლებს ციფრული აქტივები დაუბრუნონ, ამ პროცესის მართვა მხოლოდ ერთ ან ორ თანამშრომელს ევალება, რაც უკიდურეს დისკომფორტს იწვევს და თანხების დაბრუნების პროცესს მნიშვნელოვნად აჭიანურებს.
კვლევების თანახმად, სამხრეთ კორეა კრიპტოვალუტის ბაზრის სიდიდით მსოფლიოში მესამე ადგილზეა.
2023 წლის პირველ ნახევარში რეგისტრირებულ კრიპტო ბირჟებზე 6 მილიონზე მეტი კორეელი (ქვეყნის მოსახლეობის 10%-ზე მეტი) კრიპტოვალუტებით ვაჭრობდა.
გარდა ძირითადი კრიპტოვალუტებისა, როგორიცაა ბიტკოინი, კორეელი ტრეიდერები ხშირად ინვესტირებას ნაკლებად ცნობილ და სარისკო კრიპტო აქტივებში ახდენენ. დეპარტამენტში შიშობენ, რომ ეს ტენდენცია ინვესტორებისთვის ფინანსური ზარალის რისკს ზრდის.
აქედან გამომდინარე, ფინანსური ზედამხედველობის სამსახური ინვესტორების დასაცავად ძლიერი საკანონმდებლო ბაზის შექმნის აუცილებლობას ხედავს და მთავრობას კრიპტო ინდუსტრიის უფრო მკაცრი ზედამხედველობისკენ მოუწოდებს.
ფინანსური რეკომენდაციების შემუშავებისთვის, FSS მჭიდროდ თანამშრომლობს სხვა მარეგულირებლებთან და ციფრული აქტივების განვითარებად ბაზარზე განსაკუთრებულ ყურადღებას უკანონო საქმიანობის აღმოფხვრას უთმობს.
აპრილში სამხრეთ კორეის ხელისუფლებამ კრიპტოვალუტებთან დაკავშირებული დანაშაულის გამოძიების დეპარტამენტის შექმნის შესაძლებლობის განხილვა დაიწყო.
ამავე პერიოდში, სამხრეთ კორეის ფინანსური სერვისების კომისიამ (FSC) პირობა დადო, რომ ადგილობრივ სავაჭრო პლატფორმებზე ალტკოინების ლისტინგისთვის მოთხოვნებს გაამკაცრებდა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)