სამხრეთ კორეში კრიპტოვალუტით მოვაჭრე ნარკოდილერები დააკავეს

სამხრეთ კორეში კრიპტოვალუტით მოვაჭრე 82 ნარკოდილერი დააკავეს.

სამხრეთ კორეის პოლიციამ უკანონო კრიპტო ტრანზაქციების აღმომჩენი პროგრამების დახმარებით, ბიტკოინებისა და ალტკოინების გამოყენებით ნარკოტიკებით ვაჭრობის დიდი სქემა გამოავლინა.

სამხრეთ კორეის ქალაქ გიონბუკის ეროვნული პოლიციის დეპარტამენტის განცხადებით, სამართალდამცავებმა კრიპტოვალუტაზე ნარკოტიკების ყიდვა-გაყიდვაში ეჭვმიტანილი 82 პირი დააკავეს.

სამართალდამცავების განმარტებით, გასული წლის მაისში ოთხმა ოცი წლის ახალგაზრდამ ნარკოტიკებით ვაჭრობისთვის  ტელეგრამ არხი შექმნა და მასზე „მეტამფეტამინისა და სინთეზური კანაფის გაყიდვის“ რეკლამა განათავსა.

ნარკოტიკების მყიდველები ძირითადად 20-დან 30 წლამდე ახალგაზრდები იყვნენ. ისინი ბიტკოინებსა და ალტკოინებს გამყიდველების საფულეებზე რიცხავდნენ, ნარკოტიკების დატოვება კი შეთანხმებულ ლოკაციებზე ხდებოდა.

ვაჭრობა მთელი ქვეყნის მასშტაბით ხორციელდებოდა.

გიონბუკის ეროვნული პოლიციის სააგენტოს ნარკოდანაშაულის საგამოძიებო სამმართველოს ხელმძღვანელობამ პირობა დადო, რომ ნარკოდანაშაულის შემთხვევებს აქტიურად არა მხოლოდ კლუბებსა და გასართობ ადგილებში, არამედ ინტერნეტშიც მოიძიებს, სადაც ბოლო წლებში ნარკომოვაჭრეთა რაოდენობა სწრაფი ტემპით იზრდება.

სამხრეთ კორეის პოლიციის განცხადებით, ისინი კრიპტოვალუტაზე ნარკოტიკული ნივთიერებებით ვაჭრობის წინააღმდეგ ბრძოლისთვის გამოძიების უახლეს მეთოდებს იყენებენ, 

როგორიცაა დარკნეტში არალეგალური ინფორმაციის სათვალთვალო სისტემა და „ ციფრული აქტივების თვალთვალის პროგრამა“.

გასულ თვეში სამხრეთ კორეელმა სამართალდამცავებმა სახელმწიფო დავალიანების მქონე პირთათვის კრიპტოვალუტის კონფისკაციის პროგრამის ფარგლებში,

ქალაქ გუნპოში საგზაო მოძრაობის დამრღვევებს ციფრული აქტივები ჯარიმის გადახდის მიზნით ჩამოართვეს.