სასამართლოს წინაშე FTX-ის დამფუძნებლის მეგობრებიც წარდგებიან

სასამართლოს წინაშე FTX-ის დამფუძნებლის მეგობრებიც წარდგებიან

გაკოტრებული კიპტოვალუტის ბირჟა FTX-ის ყოფილი ხელმძღვანელისთვის საბოლოო განაჩენის გამოტანის შემდეგ, გამოძიების ყურადღების ცენტრში მისი უახლოესი თანამოაზრეები მოექცნენ, რომლებმაც სასამართლოში მის წინააღმდეგ მისცეს ჩვენება.

გამოცემა Bloomberg-ის წყაროს ცნობით, ნიუ-იორკის სამხრეთ ოლქის სასამართლო FTX Group-ის მრავალმილიარდიანი თაღლითობის საქმეში კეროლაინ ელისონის (Caroline Ellison), ნიშად სინგისა (Nishad Singh) და გარი ვანგის (Gary Wang) მონაწილეობის ხარისხს განიხილავს. სემ ბენკმენ-ფრიდის სამივე ყოფილმა ახლო მეგობარმა დანაშაული აღიარა, საპროცესო გარიგება დადო და შედარებით მსუბუქი სასჯელის მიღების იმედით FTX-ის ყოფილი ხელმძღვანელის წინააღმდეგ ჩვენების მიცემას ნებაყოფლობით დათანხმდა.

„FTX-ის საქმეში სამივემ ცენტრალური როლი შეასრულა და ნაფიც მსაჯულებს ემოციური დრამა წარუდგინეს, მათი  ყურადღება მიიპყრეს და მომხდარზე წარმოდგენა ამგვარად შეუქმნეს. სასამართლოს ასეთი რთული საქმის ინსაიდერული ინფორმაციის გარეშე განხილვა გაუჭირდებოდა“- აღიარა ყოფილმა ფედერალურმა პროკურორმა ჯორდან ესტესმა (Jordan Estes).

იურიდიული ექსპერტების უმეტესობა თანხმდება, რომ საზოგადოება უფრო მსუბუქი სასჯელების მომხრეა. FTX-ის შემთხვევაში კი, კომპანიის ყოფილი ტოპ-მენეჯერების შედარებით ახალგაზრდა ასაკმა და ასევე გამოძიებასთან აქტიურმა თანამშრომლობამ შესაძლოა მათ სასარგებლოდ იმუშაოს.

„უმეტეს შემთხვევებში, „თეთრ საყელოიან“ კორპორატიულ თანამშრომლებს პატიმრობას არ უსჯიან.“- დასძინა ჯორდან ესტესმა.

თუმცა, ეს არ ნიშნავს იმას, რომ ელისონი, სინგჰი და ვანგი ციხისთვის თავის არიდებას შეძლებენ. მათ საქმეზე საბოლოო გადაწყვეტილების გამოტანა ფედერალურ მოსამართლეს ეკისრება.

სასამართლო ხელისუფლებისგან დასკვნას ელოდება, სადაც აღწერილი იქნება, თუ რამდენად ღირებული და სასარგებლო იყო FTX-ის ყოფილი თანამშრომლების მიერ გამოძიებისთვის გაწეული დახმარება.

ფედერალური პროკურორების თქმით, FTX-ის საქმე აშშ-ს ისტორიაში ერთ-ერთი ყველაზე დიდი ფინანსური თაღლითობაა და მასშტაბებით ისეთ საქმეებს უტოლდება, როგორიცაა Enron-ის და ბერნი მედოფის (Bernard Madoff) თაღლითობის საქმეები.

ხუთშაბათს, 28 მარტს ნიუ-იორკის სასამართლომ FTX ჯგუფის ყოფილი აღმასრულებელი დირექტორის სემ ბანკმენ-ფრიდის განაჩენი გამოაცხადა.

ყოფილი კრიპტო მილიარდერი პროკურატურამ ყველა ბრალდებაში დამნაშავედ ცნო და 25 წლით თავისუფლების აღკვეთა მიუსაჯა.