საქველმოქმედო ფონდმა ბუტერინს შემოწირული ტოკენები დაუბრუნა

საქველმოქმედო ფონდმა ბუტერინს შემოწირული ტოკენები დაუბრუნა

ინდურმა საქველმოქმედო ფონდმა Covid Relief ვიტალიკ ბუტერინს 100 მილიონი დოლარის შემოწირულობა დაუბრუნა.

Ethereum-ის თანადამფუძნებელს ვიტალიკ ბუტერინს პანდემიასთან ბრძოლის ინდურმა საქველმოქმედო ფონდმა India COVID-Crypto Relief, შემოწირული SHIB ტოკენების ნაწილი დაუბრუნა. 

როდესაც ვიტალიკ ბუტერინმა ინდურ ფონდს COVID-Crypto Relief  50 ტრილიონზე მეტი SHIB მონეტა შესწირა, რომელიც მაშინ დაახლოებით 1 მილიარდი დოლარი იყო, ამან უფრო მეტი შფოთვა გამოიწვია, ვიდრე შვება.

Polygon-ის თანადამფუძნებელის სანდიპ ნაილვალის (Sandeep Nailwal) განმარტებით, რომელმაც  ზემოთხსენებული დახმარების ფონდი შექმნა, ინდოეთის კანონი კრიპტოვალუტების, როგორც დაფინანსების წყაროს გამოყენებას კრძალავს ან მნიშვნელოვნად ზღუდავს.

გარდა ამისა, ადგილობრივი მარეგულირებლების მოთხოვნით, ტოკენები უნდა გადაიცვალოს და  ინდურ რუპიაში კონვერტირდეს.

ტვიტერში სანდიპ ნაილვალმა ისიც დააზუსტა, რომ ვიტალიკი, როგორც კანადის მოქალაქე,  ინდოეთის კანონმდებლობით შეზღუდული არ არის და საინვესტიციო გადაწყვეტილებების მისაღებად მეტი თავისუფლება აქვს. 

ფონდის დამფუძნებელმა აღნიშნა, რომ მიუხედავად იმისა, რომ შემოწირულობის დროს მიღებული SHIB ტოკენები 1 მილიარდ დოლარზე მეტი ღირდა,

მას შემდეგ ეს მაჩვენებელი თითქმის 40%-ით შემცირდა და SHIB-ის ამჟამინდელი რეზერვები დაახლოებით 600 მილიონ დოლარად არის შეფასებული.

ბუტერინმა Crypto Relief-გან ტოკენების დაბრუნება დაადასტურა. მან Twitter-ზე განაცხადა, რომ  მათ საქველმოქმედო პროექტებსა და COVID-ის წინააღმდეგ ბრძოლაში გამოიყენებს..

 100 მილიონი დოლარის ექვივალენტი Shiba Inu ტოკენების USDC სტეიბლკოინში პირდაპირი კონვერტირება მოხდა. ეს ოპერაცია  SHIB ტოკენის ღირებულებაზე ზეწოლას არ მოახდენს .

წყარო: https://bits.media/