by Giorgi 
საცალო ინვესტორების მხრიდან ბიტკოინზე მოთხოვნა 73%-ით დაეცა
პლატფორმა CryptoQuant-ის ანალიტიკოსების ცნობით, ბოლო 30 დღის განმავლობაში საცალო ინვესტორების მხრიდან ბიტკოინზე მოთხოვნა 73%-ით შემცირდა.
იმ საფულეების მფლობელებისგან, რომელთა ბალანსიც 1 BTC-ზე ნაკლებია, მსოფლიოს უმსხვილეს კრიპტობირჟა Binance-ზე ბიტკოინების საშუალო თვიური შემოდინება 314 მონეტამდე შემცირდა. შედარებისთვის: 2024 წლის მარტში ეს მაჩვენებელი დაახლოებით 1200 BTC-ს შეადგენდა, ხოლო 2022 წლის „დათვის ბაზრის“ (Bear Market) პერიოდში – დაახლოებით 1800 BTC-ს.
CryptoQuant-ის ანალიტიკოსის Darkfost-ის თქმით, წინამორბედ საბაზრო ციკლებში საცალო ინვესტორების მონაწილეობა ბევრად უფრო თვალსაჩინო იყო. 2018 წელს ბიტკოინების შემოდინების პიკმა დაახლოებით 5400 BTC-ს, ხოლო 2021 წელს – დაახლოებით 2600 BTC-ს მიაღწია.
ექსპერტების აზრით, საცალო ინვესტორები აქტივობის დაღმავალი დინამიკის ერთ-ერთი მიზეზი გაცვლითი სავაჭრო ფონდების (ETF) მზარდი პოპულარობაა, რომელთა მეშვეობითაც ინვესტორების ნაწილი აქტივის კრიპტობირჟებზე პირდაპირი ყიდვისა და შენახვის ნაცვლად მასზე წვდომის მიღებას ამჯობინებს.
ბაზრის სტრუქტურა ცვლილებას მსხვილი კაპიტალის სასარგებლოდ აგრძელებს, მაშინ როცა საცალო მონაწილეების სავაჭრო აქტივობასა და on-chain მაჩვენებლებზე გავლენა კლებას განაგრძობს, აცხადებენ CryptoQuant-ში.
მანამდე პლატფორმა SoSoValue-ის ანალიტიკოსების მიერ გავრცელებული ინფორმაციით, ამერიკულმა გაცვლითმა სავაჭრო ფონდებმა (ETF), რომელთა წილებიც პირველი კრიპტოვალუტის კურსზეა მიბმული, ერთ კვირაში 1 მილიარდი დოლარის დანაკარგი განიცადეს. ეს მოხდა კაპიტალის ზედიზედ ექვსკვირიანი შემოდინების ფონზე, რომლის საერთო მოცულობამაც 3.4 მილიარდი დოლარი შეადგინა.
სიახლეების გამოწერა
