სახელმწიფო ციფრული ვალუტა ნაწილობრივ ანონიმური უნდა იყოს

 სახელმწიფო ციფრული ვალუტა ნაწილობრივ ანონიმური უნდა იყოს

კრიპტოვალუტის რეგულირების გლობალური გამკაცრების ფონზე, ისრაელის ცენტრალური ბანკი, ჰონგ კონგის სავალუტო ორგანოსთან ერთად, მფლობელზე არასრული ინფორმაციის არსებობის პირობებში ცენტრალური ბანკის ციფრული ვალუტის უსაფრთხოებას შეამოწმებს.

ტესტირებისას ცენტრალური ბანკის  ციფრული ვალუტის უსაფრთხოების სისტემა კლიენტის შესახებ მინიმალური, ყველაზე აუცილებელი ინფორმაციის არსებობის პირობებში შეფასდება.

ისრაელის ბანკი მიიჩნევს, რომ CBDC, რომლით სარგებლობაც  მფლობელის შესახებ ინფორმაციის მინიმალური კომპლექტის გამოყენებას უკავშირდება „კლიენტისთვის ნაკლებ ფინანსურ რისკებს, მეტ ლიკვიდურობას, დაბალ ხარჯებს, გაზრდილ კონკურენციას და უფრო ფართო წვდომას” გულისხმობს. 

ისრაელის სახელმწიფო ციფრული ვალუტის ერთობლივ ტესტირებაში მონაწილეობა  საერთაშორისო ანგარიშსწორების ბანკის (BIS) ინოვაციურმა განყოფილებამ უნდა მიიღოს.

ივნისში, ინდოეთის სარეზერვო ბანკის მმართველის მოადგილემ, ტი რაბი სანკარმა (T Rabi Sankar) განაცხადა, რომ ცენტრალური ბანკის ციფრულ ვალუტას  კრიპტოვალუტების, მათ შორის ბიტკოინის მთლიანად ჩანაცვლება შეუძლია.

მაისში, სტეიბლკოინ USDC-ის ემიტენტი კომპანია Circle-ის მენეჯმენტმა განაცხადა, რომ  ცენტრალური ბანკის ციფრული ვალუტების ამოქმედება უფრო მეტად საზიანოა, ვიდრე სარგებლის მომტანი. 

კომპანიის სპეციალისტებმა განმარტეს, რომ ფინანსური ჩართულობის გაზრდისა და ხარჯების შემცირების ნაცვლად, ციფრული დოლარის შემოღებამ შესაძლოა საპირისპირო შედეგი გამოიწვიოს.

მზარდი ინფლაციის გამო, მოქალაქეების ნდობა მთავრობებისა და ფინანსური ინსტიტუტების მიმართ მცირდება. ამიტომ ადამიანები,

რომლებსაც  საბანკო სერვისებზე წვდომა არ აქვთ,  ბანკებთან ურთიერთობისა და ცენტრალური ბანკის პროდუქტების გამოყენებისგან თავს იკავებენ.