სენატორმა სინტია ლამისმა აშშ-ს ფედერალურ რეზერვს ბიტკოინის შეძენა შესთავაზა.
ამერიკელმა სენატორმა და კრიპტოვალუტის მხარდამჭერმა სინტია ლამისმა ფედერალურ რეზერვს გრძელვადიანი შენახვისთვის ბიტკოინის ყიდვა შესთავაზა.
კრიპტოვალუტის ეკონომიკის მომავლისადმი მიძღვნილ კონფერენციაზე სინტია ლამისმა განაცხადა, რომ აშშ-ს ფედერალურ რეზერვს ბალანსზე BTC-ის შენახვა შეეძლო.
იმის გათვალისწინებით, რომ მარეგულირებელს რეზერვები უცხოურ ვალუტაში 40 მილიარდ დოლარზე მეტს შეადგენს, ლამისმა უწყების მიერ პირველი კრიპტოვალუტის შეძენის იდეას შესანიშნავი უწოდა.
„როგორც კი კრიპტოვალუტები აშშ-ს კანონმდებლობაში გაჩნდება და მათი რეგულირებისთვის წესებს შეიმუშავებენ, ფედერალური რეზერვის მიერ მის შეძენას აზრი მიეცემა. ბიტკოინი მთლიანად დეცენტრალიზებულია და დროთა განმავლობაში კიდევ უფრო გავრცელდება. Fed-ს ეს კრიპტოაქტივი ბალანსზე უნდა ჰქონდეს.“
თუმცა, აშშ-ს ფედერალური რეზერვის მმართველთა საბჭოს ხელმძღვანელმა, რენდალ კვარლსმა (Randal Quarles), რომელიც კონფერენციას ასევე ესწრებოდა განაცხადა, რომ ეს უახლოეს მომავალში ნამდვილად არ მოხდება. რადგან, მაღალი ვოლატილობის გამო ბიტკოინის ყიდვა სახელმწიფო ბიუჯეტს არ გამოადგება.
ლამისმა შესაძლებლობა გამოიყენა და 2013 წელს მის მიერ ბიტკოინის პირველად შეძენაზე ისაუბრა.
მაშინ ბიტკოინის კურსი 350 აშშ დოლარს შეადგენდა. როგორც ამბობს, კრიპტოვალუტის ყიდვა სიძემ ურჩია.
სენატორმა ციფრული ვალუტების მიმართ ინტერესი პირველად მაშინ გამოიჩინა, როდესაც ვაიომინგის შტატის ხაზინას ხელმძღვანელობდა.
ლამისმა ინვესტიციებისა და ისეთი ტიპის აქტივების შესწავლა დაიწყო, რომლებსაც მოკლე ვადებში მოგების მოტანა და ინფლაციის დროს ფულის დაკარგვის რისკების ჰეჯირება შეეძლოთ. სწორედ მაშინ შეიტყო ბიტკოინის შესახებ.
დასასრულს, ლამისმა ბიტკოინს „ციფრული ოქრო“ და „მყარი ფული“უწოდა, რომლის მიწოდება 21 მილიონი მონეტით შემოიფარგლება.
სენატორი დარწმუნებულია, რომ საბოლოოდ ყველა ტრადიციული ბანკი ბიტკოინისა და სხვა კრიპტო ვალუტების მხარდაჭერას დაამატებს.
დეკემბერში ლამისმა გამოაცხადა კანონპროექტის შესახებ, რომელმაც კრიპტოვალუტის ინდუსტრიის რეგულირებაში სიცხადე უნდა შეიტანოს.
სენატორის თქმით, საჯარო კონსულტაციების შემდეგ კანონპროექტი გადაიხედა და ახლა საკანონმდებლო საბჭოში განიხილება.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)