სომხეთის საგადასახადო სამსახური კრიპტოვალუტის რეგულირებას მოითხოვს

სომხეთის საგადასახადო სამსახური კრიპტოვალუტის რეგულირებას მოითხოვს

სომხეთის სახელმწიფო შემოსავლების კომიტეტის თავმჯდომარე რუსტამ ბადასიანი მიიჩნევს, რომ კრიპტო დანაშაულის ზრდასთან დაკავშირებით, აუცილებელია ციფრული აქტივების ინდუსტრიის რეგულირებისთვის კანონმდებლობის შემუშავება.

საგადასახადო სამსახურის ხელმძღვანელმა რუსტამ ბადასიანმა 1 ივნისს, საპარლამენო სხდომაზე 2022 წლის სახელმწიფო ბიუჯეტის განხილვის  დროს განაცხადა,

რომ მისმა დეპარტამენტმა  სომხეთის ცენტრალურ ბანკს ციფრული აქტივების ბაზრის მკაცრი ზედამხედველობის უზრუნველყოფის მოწოდებით მიმართა:

„ამ სფეროს რეგულირების გარეშე, ჩვენ  საშუალებას ვიძლევით ბუნდოვანი ტრანზაქციები განხორციელდეს. უკვე არსებობს როგორც გადასახადებისგან თავის არიდების, ასევე კრიპტოვალუტების გამოყენებით ფულის გათეთრების გამოცდილება.“

ბადასიანის განცხადებით, დიდი ოდენობით ციფრული აქტივების  შეძენის ფაქტთან დაკავშირებით გამოძიების დაწყების ინციდენტი  დაფიქსირდა.

მაგრამ, სამართალდამცავი ორგანოების საქმიანობა შეჩერდა, რადგან კრიპტოვალუტების მარეგულირებელი ბაზა ჯერ არ არის შემუშავებული.

მანამდე სომხეთის ბანკების კავშირის გენერალურმა დირექტორმა სეირან სარქისიანმა განაცხადა, რომ ციფრული აქტივების მქონე საკრედიტო ორგანიზაციები არ მუშაობენ და არ ახორციელებენ კრიპტოვალუტის მომსახურებას.

სარქისიანის თქმით, კრიპტოვალუტების ეფექტური რეგულირებისთვის აუცილებელია ისეთი პრობლემის გადაჭრა, როგორიც მომხმარებლის იდენტიფიკაციაა. ასევე კრიპტოვალუტების მეშვეობით ფულის გათეთრებისა და ტერორიზმის დაფინანსების წინააღმდეგ ბრძოლის წესების დაზუსტება.

სომხურმა ოპოზიციურმა ბლოკმა  კრიპტოვალუტების ლეგალიზაციის პროექტი პარლამენტს განსახილველად ჯერ კიდევ 2018 წელს შესთავაზა. 

იმავე წელს, ნიუ-იორკში დაფუძნებულმა ბლოკჩეინმა კომპანიამ Blocktech-მა და სომხეთის ფრანგულმა უნივერსიტეტმა (UFAR) ბლოკჩეინის პირველი აკადემიური ლაბორატორიის დაარსების შესახებ გამოაცხადეს.

2018 და 2020 წლებში სომხეთის ცენტრალურმა ბანკმა  მოქალაქეები კრიპტოვალუტის გამოყენების მაღალი რისკის შესახებ არაერთხელ გააფრთხილა.