სომხეთი კრიპტოვალუტის ბირჟების აკრძალვას არ გააუქმებს

სომხეთი კრიპტოვალუტის ბირჟების აკრძალვას არ გააუქმებს

სომხეთის ვიცე-პრემიერის მჰერ გრიგორიანის განცხადებით, ქვეყნის მთავრობა ნაღდი ფულის კრიპტოვალუტაზე გაცვლის აკრძალვას, რომელიც 2026 წელს უნდა ამოქმედდეს, არ აპირებს.

ეროვნულ კრებაზე გამოსვლისას გრიგორიანმა განაცხადა, რომ მთავრობის მიზანი არა ქვეყანაში ციფრული აქტივების მიმოქცევის შეზღუდვა, არამედ ანონიმური ტრანზაქციების თავიდან აცილებაა.

„მთავარი საკითხი კრიპტოვალუტის მფლობელების იდენტიფიცირებაა. წინააღმდეგ შემთხვევაში, გადასახადებისგან თავის არიდების რისკები იარსებებს, რადგან სომხეთში ანონიმური კრიპტოვალუტებით ტრანზაქციების თვალყურის დევნება შეუძლებელი იქნება.“ – განმარტა გრიგორიანმა.

ვიცე-პრემიერმა განცხადება პარტია „სამოქალაქო შეთანხმების“ წევრის, არმან ეგოიანის კითხვის საპასუხოდ გააკეთა. ეგოიანის თქმით, რამდენიმე ბიზნესმენმა მას შესჩივლა, რომ მომავალი შეზღუდვები მათ ბიზნეს საქმიანობას შეაფერხებდა. პარლამენტარმა ახსენა, რომ თავად მას ბიტკოინები არ აქვს. რაზეც ვიცე-პრემიერმა უპასუხა:

„გაქვთ თუ არა – ეს ვერავის ეცოდინება. ისევე, როგორც ვერავინ იტყვის მაქვს თუ არა ბიტკოინები მე. კრიპტოაქტივების მფლობელები საგადასახადო ორგანოებისთვის ცნობილი უნდა იყვნენ – კრიპტოვალუტის ტრეიდერებმა თავიანთი აქტივების შესახებ ანგარიში უნდა ჩააბარონ.“- გაიმეორა გრიგორიანმა.

თებერვალში სომხეთის პარლამენტმა დაამტკიცა კანონპროექტი კრიპტოაქტივების შესახებ, რომელიც კრიპტოვალუტების გამომშვებ ან კრიპტოაქტივებით მოვაჭრე ორგანიზაციებს ცენტრალური ბანკისთვის აქტივების მფლობელების შესახებ ინფორმაციის გამჟღავნებასა და მინიმალური კაპიტალის მოთხოვნების დაცვას ავალდებულებს.

ცოტა ხნის წინ, სომხეთის ცენტრალური ბანკის თავმჯდომარემ, მარტინ გალსტიანმა, განაცხადა, რომ კრიპტოვალუტები შესაძლოა უკანონო საქმიანობის დასაფინანსებლად იქნას გამოყენებული, რის გამოც მან კომერციულ ბანკებს კრიპტო ტრეიდერების მომსახურებისას ისწავლონ რისკების მართვის სწავლისკენ მოუწოდა.

წყარო: https://news.am/eng/news/907478.html