სოროსის ფონდმა MicroStrategy-ის აქციებში 159 მილიონი ჩადო
მსოფლიოს ერთ-ერთმა ყველაზე ცნობილმა მილიარდერმა ინვესტორმა თავისი ფონდის – George Soros Fund იანვარ-მარტის პერიოდის საინვესტიციო პორტფელის სტრუქტურა გაასაჯაროვა და დაადასტურა ხმები იმის შესახებ, რომ ფონდმა ინვესტირება MicroStrategy-ს აქციებში განახორციელა.
ჯორჯ სოროსის (George Soros) საოჯახო საინვესტიციო ფირმამ George Soros Fund Management, დეველოპერული კომპანია MicroStrategy-ის აქციების შესაძენად, რომელიც ასევე ბიტკოინის ერთ-ერთი უმსხვილესი საჯარო მფლობელია, 159 მილიონი დოლარი დახარჯა. თანხა სოროსის ფონდის საინვესტიციო პორტფელის მთლიანი ღირებულების 2%-ს შეადგენს.
ამგვარად, ოთხმოცი წლის მილიარდერმა კრიპტო კომპანიების აქციებში ინვესტირების კუთხით საკუთარი ინტერესი დაადასტურა. მიუხედავად იმისა, რომ სულ ცოტა ხნის წინ საჯარო გამოსვლებში მაგნატმა ციფრული აქტივები ბუშტს შეადარა და დიქტატორების იარაღი უწოდა.
აპრილის ბოლოს საინვესტიციო კომპანია Benchmark-ის ექსპერტებმა განაცხადეს, რომ MicroStrategy სავარაუდოდ მაღალი ლიკვიდობის ამერიკული კომპანიების S&P500 ინდექსში მოხვდება.
ამავდროულად, ჯორჯ სოროსის ყოფილი ბიზნეს პარტნიორი, ინვესტორი და ფონდ Quantum Fund-ის თანადამფუძნებელი ჯიმ როჯერსი (Jim Rogers), კრიპტოვალუტების მიმართ კვლავაც უკიდურესად სკეპტიკურად არის განწყობილი. მისი აზრით, ბრინჯსა და შაქარზე მოთხოვნა ყოველთვის აქტუალური დარჩება, ხოლო ყველა კრიპტოვალუტა ადრე თუ გვიან გაქრება.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)