სტეიბლკოინების რეგულირება ბიტკოინს გაზრდის

სტეიბლკოინების რეგულირება ბიტკოინს გაზრდის

Shark Tank-ის წამყვანი კევინ ო’ლირი სტეიბლკოინის რეგულირების შემდეგ BTC-ის ზრდას ელის, რაც მისი აზრით ნოემბერში, აშშ-ს კონგრესის შუალედური არჩევნების შემდეგ მოხდება.

კევინ ო’ლირის (Kevin O’Leary) აზრით, აშშ-ს კონგრესი  სტეიბლკოინების გამჭვირვალობის შესახებ კანონს  8 ნოემბრის შემდეგ მიიღებს.

ამ კანონს მხარს კანონმდებლების უმეტესობა უჭერს.

„მიუხედავად იმისა, რომ ეს ბიტკოინს არ ეხება, ეს აშშ-ს რეგულატორების მიერ კრიპტო აქტივებთან დაკავშირებით მიღებული პირველი კანონი იქნება. ინსტიტუციონალური ინვესტორები  სტეიბლკოინების მიმართ დიდ ინტერესს გამოიჩენენ და მათში კაპიტალს ჩადებენ. ამიტომ, მე ვიტყოდი, რომ ახლა გრძელვდიანი შენახვისთვის ბიტკოინის ყიდვა ბევრს ენდომება, რათა ამ შედეგს დაელოდონ. კრიპტოვალუტების შეჩერება შეუძლებელია. თქვენ ან შეუერთდებით ტალღას, ან დაიკარგებით მასში.“- თქვა ო’ლირიმ.

მისი თქმით, მსხვილმა ინვესტორებმა იციან რა სტეიბლკოინების რეგულირების შესახებ,  თავს უფრო თავდაჯერებულად იგრძნობენ.

ეს  ბიტკოინს შანსს აძლევს 19,000$-20,000$-ის ფასის დიაპაზონს გასცდეს. ო’ლირიმ აღიარა, რომ ბიტკოინში და სხვა კრიპტოვალუტაში ინვესტირების რისკი ყოველთვის არსებობს.

მაგრამ არსებობს იმის რისკიც, რომ ადამიანმა ბიტკოინში ინვესტირებაზე უარის თქმის გამო ხელიდან შანსი გაუშვას.

ტელეწამყვანი დარწმუნებულია, რომ მომდევნო ათწლეულში კრიპტოვალუტები S&P 500 ინდექსის მე-12 სექტორი გახდება, რადგან ბევრი ბანკი და ფინანსური ტექნოლოგიების პროვაიდერი იმ დროისთვის უკვე გამოიყენებს უახლეს ტექნოლოგიებს.

„ჩვენ გვაკლია მკაფიო რეგულირება. როგორც კი მარეგულირებლები კრიპტოვალუტებს გააკონტროლებენ,  სექტორს კაპიტალის ნაკადი მოაწყდება, ისეთი როგორიც აქამდე არასოდეს გინახავთ.

არიან ადამიანები, რომლებიც მაკრიტიკებენ იმის გამო, რომ  კრიპტოვალუტების მომავლის მტკიცედ მჯერა. მაგრამ უახლესი ტექნოლოგიების არსებობის პირობებში, რომლებსაც მთელს ტრანზაქციების დამუშავების გაუმჯობესება და დაჩქარება შეუძლია, თქვენ უბრალოდ სხვა არჩევანი არ გაქვთ გარდა იმისა, რომ ამას შეეგუოთ.“ – განაცხადა ო’ლირიმ.

ცოტა ხნით ადრე, Shark Tank-ის პოდკასტის წამყვანმა ბაზრის ვარდნის დროს მსხვილი კრიპტოკომპანიების გაკოტრებას სასიკეთო უწოდა,

რადგან ეს ადგილს უფრო ძლიერი მოთამაშეებისთვის გაათავისუფლებს.