სუპერმარკეტი Spar ბიტკოინით გადახდებს მიიღებს
შვეიცარიის ქალაქ ცუგში მდებარე სუპერმარკეტების ქსელ Spar-ის მაღაზიამ გადახდის საშუალებად ბიტკოინის მიღება დაიწყო. ამის შესახებ ინფორმაციას სოციალურ ქსელ LinkedIn-ში კომპანია DFX Swiss ავრცელებს, რომელიც მომხმარებლებს კრიპტოვალუტების ნაღდ ფულზე გაცვლის გადაწყვეტილებებს სთავაზობს.
სუპერმარკეტი Spar ოფიციალურად გამოჩნდა პლატფორმა BTC Map-ზე, რომელიც მთელ მსოფლიოში იმ ბიზნესებს აკონტროლებს, რომლებიც გადახდებისთვის ბიტკოინს იღებენ. DFX Swiss-ის განცხადებით, ქსელის მაღაზია შვეიცარიაში ერთ-ერთი პირველი სუპერმარკეტი გახდა, სადაც კრიპტოვალუტით გადახდა OpenCryptoPay-ის გადაწყვეტის მეშვეობით არის შესაძლებელი. მომხმარებლებს QR კოდის სკანირებით ბიტკოინით გადახდა Lightning Network-ის გამოყენებით შეუძლიათ.
თუ ქალაქ ცუგის ქსელური მაღაზიის საპილოტე პროექტი წარმატებული იქნება, Spar-მა შესაძლოა ბიტკოინის მიღება სხვა მაღაზიებშიც დაიწყოს. კომპანიას 48 ქვეყანაში 13,900 სუპერმარკეტი აქვს, რომლებიც ყოველდღიურად 14.7 მილიონ მომხმარებელს ემსახურება. Spar ბიტკოინით გადახდების მიღებაზე ექსპერიმენტებს უკვე გარკვეული ხანია ატარებს. 2014 წელს კომპანიამ ნიდერლანდებში ბიტკოინის მიღება Bitcoincity-ს ინიციატივის ფარგლებში დაიწყო.
2023 წლის აპრილში, მომხმარებლებს ბიტკოინით შესყიდვების განხორციელების შესაძლებლობა თავის 1600-ივე მაღაზიაში სამხრეთ აფრიკის ერთ-ერთმა უმსხვილესმა სუპერმარკეტების ქსელმა Pick’n’Pay-მაც შესთავაზა.
აშშ-ის მსხვილმა ქსელებმა Whole Foods და Starbucks ასევე დანერგეს კრიპტოვალუტით გადახდები მესამე მხარის აპლიკაციების მეშვეობით, რომლებიც კრიპტოვალუტას ფიატად გარდაქმნიან.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)