ტეხასის გუბერნატორი ბიტკოინის მაინერების მოზიდვას აპირებს
აშშ-ს ტეხასის შტატის გუბერნატორი გრეგ ებოტი დარწმუნებულია, რომ ბიტკოინის მაინინგი რეგიონში ელექტროენერგიის წარმოების სტიმულირებას შეუწყობს ხელს, რაც შტატის მთელი ენერგეტიკული სისტემის სტაბილიზაციას გამოიწვევს.
ბოლოდროინდელ განცხადებაში გრეგ ებოტმა (Greg Abbott) მაინერებს ტეხასში ჩასვლისკენ მოუწოდა.
ის დარწმუნებულია, რომ კრიპტოვალუტის მაინინგი რეგიონის ეკონომიკას გააუმჯობესებს, გაზრდის ელექტროენერგიის გამომუშავებას და შტატის ენერგოსისტემას მოაწესრიგებს.
გუბერნატორი დარწმუნებულია, თუ სახელმწიფო ბიტკოინის მაინინგის აქტიურ მხარდაჭერას დაიწყებს, ელექტროენერგიის მიმწოდებლები მისი წარმოებისთვის მეტი ინფრასტრუქტურის აშენებას შეეცდებიან.
ებოტის გათვლით, თუ ელექტროენერგიაზე მოთხოვნა მკვეთრად გაიზრდება, მაინერები მუშაობას დროებით შეაჩერებენ.
მსგავსი ზომები ირანმა მიიღო, როდესაც კრიპტოვალუტების მოპოვებაზე ზამთრის პერიოდში აკრძალვა შემოიღო.
ტეხასელი ამომრჩევლები ელექტროენერგიის გათიშვას ხშირად უჩიოდნენ. გასულ ზამთარს შტატში ძლიერი ქარიშხლის დროს ელექტროენერგიის გათიშვამ რამდენიმე ასეული ადამიანის სიცოცხლე შეიწირა.
გასული წლის ბოლოს, ტეხასის ელექტრომომარაგების საიმედოობის საბჭომ განაცხადა, რომ შტატის ელექტრო ქსელი მაინინგ ცენტრების ხარჯზე ენერგიის მოხმარების გაზრდისთვის მზად არის. თუმცა, ტეხასელი ჟურნალისტის ამალ აჰმედის თქმით, ეს ასე არ არის.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)