ტრამპის ახალი NFT კოლექცია რამდენიმე საათში გაიყიდა
აშშ-ს ყოფილმა პრეზიდენტმა ბლოკჩეინ Polygon-ის ბაზაზე შექმნილი 47000 NFT-ისგან შემდგარი ახალი კოლექცია გამოუშვა.
მისი განცხადებით, ყველა ტოკენი რამდენიმე საათში გაიყიდა და გაყიდვებმა 4,6 მილიონი დოლარი შეადგინა.
ეს დონალდ ტრამპის რიგით მეორე პირადი NFTკოლექციაა.
45 000 ტოკენისგან შემდგარი პირველი კოლექცია მან იგივე ქსელში გასული წლის დეკემბრის შუა რიცხვებში გამოუშვა. აშშ-ს ყოფილი პრეზიდენტის დაკავების შემდეგ, ტოკენებზე ფასები საგრძნობლად გაიზარდა და როგორც ჩანს, მან ასეთი გზით საკუთარი ბიუჯეტის შევსება გადაწყვიტა.
ახალი კოლექციის პოპულარიზაციისთვის, სახელწოდებით Trump Digital Trading Cards 2, პოლიტიკოსი ორწლიანი შესვენების შემდეგ ინსტაგრამზეც კი დაბრუნდა.
სარეკლამო ძალისხმევამ შედეგი გამოიღო – ყველა ტოკენი გაიყიდა და ტრამპს 4,6 მილიონი დოლარი მოუტანა.
„იმედი მაქვს, ყველამ შეამჩნია, რომ Trading Cars-ების ფასი იგივე დავტოვე, რაც დეკემბერში. ახლა ისინი ბევრად ძვირი ღირს (ბოლოს და ბოლოს, ეს ბაზარია!!). მინდა, რომ ჩემმა გულშემატკივრებმა და ადამიანებმა, რომლებიც მხარს მიჭერენ, ფულის შოვნა შეძლონ და სიმართლე გითხრათ, ეს სახალისოცაა.“ – წერს აშშ-ს ყოფილი პრეზიდენტი.
რიცხვი 47,000 უკავშირდება ტრამპის მისწრაფებას 2024 წლის არჩევნებში გამარჯვების შემთხვევაში შეერთებული შტატების 47-ე პრეზიდენტი გამხდარიყო. მომხმარებლებს, რომლებიც 47 ტოკენს შეიძენენ, ფლორიდის რეზიდენციაში ტრამპთან ერთად სადილზე დასწრების შესაძლებლობა ექნებათ.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)