ტრამპის გამარჯვება ინდუსტრიისთვის სარგებლის მომტანი იქნება
ამერიკული საინვესტიციო კომპანია VanEck-ის კრიპტოვალუტის კვლევის დეპარტამენტის ხელმძღვანელის აზრით, აშშ-ს საპრეზიდენტო არჩევნებში რესპუბლიკელი კანდიდატის გამარჯვება კრიპტო ინდუსტრიისთვის სასარგებლო იქნება.
მეთიუ სიგელის (Matthew Siegel) თქმით, თეთრი სახლის ამჟამინდელი ადმინისტრაცია პრეზიდენტ ბაიდენის ხელმძღვანელობით, კრიპტო ბაზრის განვითარებას ხელს უშლის. ოფიციალური პირები ქმნიან ბარიერებს ფინანსური ინსტიტუტებისთვის, რომლებიც ცდილობენ Web3 ბაზრის ნაწილი გახდნენ და არ სურთ, რომ ბანკებმა და ბროკერებმა კრიპტოვალუტებთან იმუშაონ.
მეთიუ სიგელი მიიჩნევს, რომ მომავალი საპრეზიდენტო არჩევნების შედეგი ვირტუალური აქტივების ინდუსტრიაზე დიდ გავლენას მოახდენს. თუ დონალდ ტრამპი გაიმარჯვებს, ამერიკის კრიპტო ინდუსტრიას შეეძლება მთავრობის მხარდაჭერის იმედი ჰქონდეს, მიაჩნია საინვესტიციო კომპანიის ტოპ მენეჯერს.
VanEck-ის ციფრული აქტივების კვლევის ხელმძღვანელი ამბობს, რომ მისმა კომპანიამ ბიტკოინის პოტენციალი დიდი ხნის წინ აღიარა, რამაც ბიტკოინის გაცვლითი სავაჭრო ფონდის (ETF) გაშვებაზე განაცხადის შეტანისკენ უბიძგა. თუმცა, აშშ-ის ფასიანი ქაღალდებისა და ბირჟების კომისიის (SEC) მხრიდან პროცესის დიდი ხნის განმავლობაში შეფერხება დასტურია იმისა, რომ აშშ-ს ამჟამინდელი ხელისუფლება კრიპტო ბაზრისთვის მოწინააღმდეგეს წარმოადგენს.
ცოტა ხნის წინ, საინვესტიციო კომპანიამ Paradigm კრიპტოვალუტის მფლობელებს შორის გამოკითხვა ჩაატარა იმასთთან დაკავშირებით, თუ ვის ისურვებდნენ აშშ-ს მომავალ პრეზიდენტად. აღმოჩნდა, რომ დონალდ ტრამპს გამოკითხულთა შორის მეტი გულშემატკივარი ჰყავს, ვიდრე ჯოზეფ ბაიდენს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)