ტრამპის განცხადებამ კრიპტო ტრეიდერებისთვის უდიდესი დანაკარგები გამოიწვია

ტრამპის განცხადებამ კრიპტო ტრეიდერებისთვის უდიდესი დანაკარგები გამოიწვია

აშშ-ის პრეზიდენტმა დონალდ ტრამპმა ჩინეთიდან შემოტანილ საქონელზე 100%-იანი ტარიფების დაწესების შესახებ გამოაცხადა. ამან კრიპტოვალუტის ბაზრის მასშტაბური ვარდნა და მარჟის ლიკვიდაციის მოცულობის ისტორიაში ყველაზე მაღალი მაჩვენებელი გამოიწვია.

ტრეიდერების დანაკარგმა 19.27 მილიარდ აშშ დოლარს მიაღწია, რაც აჭარბებს კრიპტოვალუტის ბაზრის ისეთი რყევების დროს არსებულ მოცულობებს, როგორიცაა Terra Luna-ს მონეტის კრახი, კრიპტო ბირჟა FTX-ის გაკოტრება და COVID-19-ის პანდემია. თუმცა, ამან გავლენა არა მხოლოდ კრიპტოვალუტის ბაზარზე, არამედ აშშ-სა და აზიის საფონდო ბირჟებზეც მოახდინა.

აშშ-სა და ჩინეთს შორის სავაჭრო ომის ესკალაციის შედეგად, ტრამპმა 1 ნოემბრიდან ჩინურ იმპორტზე დამატებით 100%-იანი ტარიფების დაწესების შესახებ გამოაცხადა. თუმცა, ახალი ტარიფები არსებულ 30%-იან ტარიფებს კი არ ჩაანაცვლებს, არამედ მათ დაემატება. აშშ-ის პრეზიდენტის თქმით, ეს იყო პასუხი პეკინის მიერ იშვიათი მიწაელემენტების მიწოდებაზე დაწესებულ ახალ შეზღუდვებზე.

ტრამპის განცხადების შემდეგ, BTC/USD კურსი 122,000 დოლარიდან 102,000 დოლარამდე დაეცა, თუმცა შემდეგ გარკვეულწილად აღდგა 113,000 დოლარის ნიშნულამდე. ეთერიუმის ფასი 4,350 დოლარიდან 3,435 დოლარამდე დაეცა, შემდეგ კი 3,800 დოლარამდე აღდგა. მცირე მონეტების ფასი 50%-ით და 70%-ითაც კი დაეცა და გუშინდელ ფასებთან შედარებით მიმდინარე კლება დაახლოებით 30%-ია.

ლიკვიდაციების მოცულობის მხრივ ლიდერი დეცენტრალიზებული პლატფორმა Hyperliquid გახდა – მასზე ტრეიდერებმა 10 მილიარდ დოლარზე მეტი დაკარგეს. Bybit-ზე მაჩვენებელმა 4.64 მილიარდი დოლარი შეადგინა, ხოლო Binance-ის მომხმარებლებმა 2.39 მილიარდი დოლარი დაკარგეს. კრიპტოვალუტების კუთხით, ბიტკოინ ტრეიდერებმა 5.36 მილიარდი დოლარი დაკარგეს, ETH 4.42 მილიარდი დოლარი, ხოლო SOL ლიკვიდაციამ ჯამში 2 მილიარდი დოლარი შეადგინა.

მანამდე CryptoQuant-ის ანალიტიკოსებმა აღნიშნეს, რომ ბიტკოინის რეკორდული ფასების მიუხედავად, ინვესტორები ბაზარზე პოზიციების შენარჩუნებას კვლავაც ახერხებენ. .

წყარო: https://www.coinglass.com/LiquidationData