by Giorgi 
ტრამპის ვაჟის მაინინგ კომპანია ბიტკოინის ერთ-ერთი უმსხვილესი მფლობელი გახდა
კომპანია American Bitcoin, რომლის თანადამფუძნებელიც აშშ-ის პრეზიდენტის ვაჟი, ერიკ ტრამპია, დაგროვილი ბიტკოინების რაოდენობით საჯაროდ ვაჭრობად კომპანიებს შორის მე-16 ადგილზე გავიდა. Bitcoin Treasuries-ის მონაცემებით, კომპანია ამჟამად 6,899 ბიტკოინს ფლობს.
ერიკ ტრამპის განცხადებით, American Bitcoin-მა ბიტკოინების რაოდენობით მაიკ ნოვოგრაცის (Mike Novogratz) Galaxy Digital-ს გაუსწრო, რომელსაც 6,894 BTC აქვს. ორი კვირის წინ, American Bitcoin დაახლოებით 6,500 BTC ფლობდა. რაც ნიშნავს, რომ მან ორ კვირაში თავის რეზერვებს დაახლოებით 399 BTC დაამატა. ბიტკოინის მიმდინარე კურსით (დაახლოებით 70,000$), ამერიკული ბიტკოინის ეს აქტივები დაახლოებით 482 მილიონ დოლარად არის შეფასებული.
American Bitcoin 2025 წლის მარტში, მაინინგ კომპანია Hut 8-ის შვილობილი კომპანიის სტატუსით დაარსდა. მისი დაარსების მომენტისთვის Hut 8 American Bitcoin-ის აქციების 80%-ს ფლობდა. დარჩენილი 20% ინვესტორებს შორის, მათ შორის ერიკ ტრამპსა და მის ძმას, დონალდ ტრამპ უმცროსს შორის გადანაწილდა. American Bitcoin-ის პარტნიორი ერიკ ტრამპის საკუთრებაში არსებული მონაცემთა ცენტრის ოპერატორი American Data Centers-ია.
2026 წლის მარტში, American Bitcoin-მა მაინიგ ოპერაციების გაფართოების შესახებ გამოაცხადა და ალბერტას შტატში დრამჰელერში მდებარე თავისი ფერმისთვის 11,298 ASIC მაინერი შეიძინა. შეძენილი მოწყობილობები, სავარაუდოდ, კომპანიის გამოთვლით სიმძლავრეს 3.05 EH/s დაამატებს. ეს მაჩვენებელი Bitcoin ქსელის ჰეშრეიტის დაახლოებით 0.3%-ს შეადგენს.
მაიკლ სეილორის Strategy 761,068 BTC-ით ლიდერობს. 53,822 BTC-ით მეორე ადგილზეა მაინინგ კომპანია MARA Holdings, რომელიც ადრე Marathon Digital-ის სახელით იყო ცნობილი. 43,514 BTC-ით მას მოსდევს ჯეკ მალერსის (Jack Mallers) Twenty One Capital, რომელიც ბიტკოინზე ორიენტირებული ფინანსური პროდუქტების შემუშავებაზე არის სპეციალიზირებული.
ბიტკოინის უმსხვილეს მფლობელების ტოპ-10-ში ასევე პლატფორმა Truth Social-ის ოპერატორი Trump Media & Technology Group მოხვდა. კორპორატიული ჯგუფი დაახლოებით 9,542 ბიტკოინს ფლობს და მე-13 ადგილზეა. კომპანიის აქციების საკონტროლო პაკეტი აშშ-ის პრეზიდენტ დონალდ ტრამპს ეკუთვნის.
სიახლეების გამოწერა
