დონალდ ტრამპის კრიპტოკომპანია, World Liberty Financial, ახალი სტეიბლკოინის გამოშვებას გეგმავს. მისი სიმბოლო USD1 იქნება, ხოლო ღირებულება მუდმივად 1 აშშ დოლარს გაუტოლდება.
კომპანიის განცხადებით, თითოეული გამოშვებული კოინი შესაბამისი ოდენობის ამერიკული დოლარით იქნება უზრუნველყოფილი, რაც მის სტაბილურობას უზრუნველყოფს.
როგორც ჩანს, ეს ტრამპის პირველი ნაბიჯი არ არის სტეიბლკოინების სექტორში. ის ფედერალურ დონეზე კანონმდებლობის ცვლილებებსაც უჭერს მხარს და შესაბამისი განკარგულება უკვე გასცა. პრეზიდენტმა სამუშაო ჯგუფს კანონპროექტის მომზადება დაავალა, რაც სტეიბლკოინების რეგულირებას და ფართოდ დანერგვას ითვალისწინებს.
სტეიბლკოინები კრიპტობაზრის მნიშვნელოვანი ინსტრუმენტებია. მათი მთავარი მიზანი ტრანზაქციების გამარტივებაა, რაც კრიპტოაქტივებით ვაჭრობას, გადაცვლას და განაღდებას უფრო მარტივს ხდის. მათი ფასის სტაბილურობა კი იმით არის განპირობებული, რომ 1 სტეიბლკოინის ღირებულება ყოველთვის 1 დოლარის ექვივალენტია.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)