ტრამპის კრიპტო პოლიტიკის შედეგები New York Times

ტრამპის კრიპტო პოლიტიკის შედეგები New York Times

გამოცემა New York Times-ის (NYT) თანახმად, ტრამპის აშშ-ის პრეზიდენტად დაბრუნების შემდეგ, აშშ-ის ფასიანი ქაღალდებისა და ბირჟების კომისიამ (SEC) კრიპტო კომპანიებთან დაკავშირებული საქმეების დაახლოებით 60% შეაჩერა ან დახურა.

როგორც NYT-ის ჟურნალისტებმა აღნიშნეს, ფასიანი ქაღალდებისა და ბირჟების კომისია კრიპტოვალუტასთან დაკავშირებული საქმეების დახურვას გაცილებით ხშირად ახდენდა, ვიდრე იმ საქმეების, რომლებიც ფასიანი ქაღალდების შესახებ კანონების დამრღვევ ტრადიციულ კომპანიებს უკავშირდებოდა. სტატიაში მოყვანილია მარეგულირებლის მიერ კომპანიების წინააღმდეგ აღძრული გახმაურებული საქმეები, მაგალითად, როგორიცაა სარჩელი კომპანია Ripple-ის წინააღმდეგ.

ნახსენებია ასევე საქმე უმსხვილესი კრიპტო ბირჟის, Binance-ის წინააღმდეგ, რომელსაც მარეგულირებელმა ბრალი არარეგისტრირებული ფასიანი ქაღალდებით ვაჭრობაში წაუყენა.
ახალი ადმინისტრაციის მოსვლის შემდეგ, ფინანსური მარეგულირებელი „ტრამპთან დაკავშირებული კომპანიების წინააღმდეგ“ გამოძიებას აღარ აწარმოებს – წერენ New York Times-ის ჟურნალისტები და სავარაუდოდ Binance-ს გულისხმობენ.
Binance-ის ტრამპების ოჯახთან თანამშრომლობის შესახებ ინფორმაცია ადრე Bloomberg-მაც გაავრცელა, რამაც Binance-ის დამფუძნებელი ჩენპენ ჯაო (Changpeng Zhao) აიძულა, გამოცემის წინააღმდეგ სასამართლოსთვის მიემართა.

SEC-ის განმარტებით, პოლიტიკურ ფავორიტიზმს მის ქმედებებთან საერთო არაფერი აქვს. კრიპტო კომპანიებთან დაკავშირებული საქმეების შეჩერება კი იმ ი მიზეზით მოხდა, რომ სააგენტო კრიპტოვალუტების შესახებ არსებული კანონების სათანადოდ გამოყენებას ცდილობს.

გამოცემამ აღიარა, რომ ტრამპის მრიდან სააგენტოზე ზეწოლის მტკიცებულებებს ვერ მიაგნო.

Galaxy Digital-ის კვლევის ხელმძღვანელმა, ალექს თორნმა (Alex Thorn) უარყო მოსაზრება, რომ ბოლო ერთი წლის განმავლობაში კრიპტოვალუტის რეგულაციების შემსუბუქება პრეზიდენტის პირადი ინტერესებით იყო გამოწვეული და არა იმით, რომ ბაიდენის ადმინისტრაციის დროს მარეგულირებლის მკაცრი პოზიცია სრულ სიგიჟეს წარმოადგენდა. თორნის თქმით, ინდუსტრიის წარმომადგენლები ოთხ წელზე მეტია ცდილობენ დაარწმუნონ სააგენტო, შეწყვიტოს კრიპტო სექტორზე თავდასხმები და დარგში მოღვაწე კომპანიებისთვის მკაფიო სახელმძღვანელო პრინციპები შეიმუშაოს.

წყარო: https://www.nytimes.com/2025/12/14/us/politics/times-sec-cryptocurrency-analysis.html#