ტრამპის პრეზიდენტობის შემთხვევაში BTC 100 000$-ს მიაღწევს
საინვესტიციო კომპანია VanEck-ის ანალიტიკოსების პროგნოზის თანახმად, 2024 წელს ბიტკოინის ფასმა შესაძლოა ახალ მაქსიმუმს მიაღწიოს, თუ დონალდ ტრამპს აშშ-ს პრეზიდენტად ხელახლა აირჩევენ.
VanEck-ის ციფრული აქტივების კვლევის ხელმძღვანელის მეთიუ სიგელისა (Matthew Sigel) და ციფრული აქტივების ინვესტიციების უფროსი ანალიტიკოსის პატრიკ ბუშის (Patrick Bush) ვარაუდით, რესპუბლიკური პარტიის ლიდერი დონალდ ტრამპი პრეზიდენტის პოსტს ამომრჩეველთა კოლეგიის 290 ხმით დაიბრუნებს.
სიგელი და ბუში მიიჩნევენ, რომ თეთრ სახლში რესპუბლიკელთა გამარჯვება ტრეიდერებში ოპტიმისტურ განწყობას აამაღლებს, რადგან დეპარტამენტის შემადგენლობა შეიცვლება და აშშ-ის ფასიანი ქაღალდებისა და ბირჟების კომისია (SEC) კრიპტოვალუტების რეგულირების მიმართ ასე მტრულად განწყობილი აღარ იქნება.
მსგავსი განცხადება ცოტა ხნის წინ SEC-ის ყოფილმა ადვოკატმა ჯონ რიდ სტარკმა (John Reed Stark) გააკეთა.
მისი თქმით, თუ ტრამპს პრეზიდენტად კვლავ აირჩევენ, რესპუბლიკელების მიერ დანიშნული SEC-ის ახალი თავმჯდომარე კრიპტო კომპანიების დევნას შეწყვეტს.
ანალიტიკოსების განცხადებით, ბიტკოინის ზრდის ტემპზე გავლენას მომავალი ხალვინგიც მოახდენს.
მათი ვარაუდით, ბიტკოინმა 2024 წელს შესაძლოა ექვსნიშნა რიცხვს მიაღწიოს და 100,000$-მდე გაიზარდოს და თუ ეს მოხდა, Time Magazine ბიტკოინის შემქმნელ სატოში ნაკამოტოს „წლის ადამიანის“ ტიტულს მიანიჭებს.
მაისში კომპანიამ VanEck გამოთქვა ვარაუდი, რომ 2030 წლისთვის ETH-ის კურსი 11,850 დოლარს მიაღწევდა, ხოლო განვითარების ხელსაყრელი პირობების შემთხვევაში, ეთერიუმმა შესაძლოა 51,000$-საც გადააჭარბოს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)