ტრამპის შვილებმა ბიტკოინი დოლარის ალტერნატივად დაასახელეს

ტრამპის შვილებმა ბიტკოინი დოლარის ალტერნატივად დაასახელეს

აშშ-ის პრეზიდენტის ვაჟებმა, ერიკ ტრამპმა და დონალდ ტრამპ უმცროსმა, კრიპტოვალუტა ტრადიციული ვალუტების და შესაბამისად, აშშ დოლარის სწრაფად მზარდ ალტერნატივად გამოაცხადეს.

ერიკ ტრამპმა განაცხადა, რომ ის ბიტკოინის მომავალში დარწმუნებულია და საკუთარ თავს მსოფლიოს წამყვანი კრიპტოვალუტის მტკიცე მხარდამჭერი უწოდა.

მისი თქმით, კრიპტო ბაზრის შესუსტებისა და ბოლო თვეებში ბიტკოინის მიერ განცდილი შესამჩნევი რყევების მიუხედავად, ის ბიტკოინის პერსპექტივების მიმართ ასე ოპტიმისტურად  განწყობილი არასდროს ყოფილა. ერიკ ტრამპი მიიჩნევს, რომ ვოლატილობა განვითარებადი ტექნოლოგიებისთვის საკმაოდ ნორმალურია. ბიზნესმენი დარწმუნებულია, რომ ერთ დღესაც ბიტკოინის მონეტის ფასმა შესაძლოა მილიონ დოლარს მიაღწიოს.

დონალდ ტრამპ უმცროსმა გაიხსენა, რომ 2021 წელს ბევრმა ფინანსურმა ინსტიტუტმა ტრამპის ორგანიზაციის მომსახურებაზე უარი თქვა და მისი ასობით ანგარიში დახურა, რამაც პრეზიდენტის ოჯახი აიძულა კრიპტოვალუტის ბიზნესით დაკავებულიყო. ძმებმა ბანკების მხრიდან ამგვარი დამოკიდებულება შეერთებულ შტატებში არსებულ პოლიტიკურ ვითარებას მიაწერეს, რომელიც 2021 წლის 6 იანვარს საპრეზიდენტო არჩევნების შედეგებთან დაკავშირებული დავების ფონზე ტრამპის მხარდამჭერების მიერ კაპიტოლიუმზე თავდასხმას მოჰყვა.

დონალდ ტრამპ უმცროსმა ბიტკოინი ტრადიციულ ფიქსირებული შემოსავლის მქონე ფინანსურ პროდუქტებს – მუნიციპალურ და სახაზინო ობლიგაციებს შეადარა. ბიზნესმენის მტკიცებით, ეს ფასიანი ქაღალდები, როგორც წესი, ზომიერ შემოსავალს გვთავაზობს. ამის საპირისპიროდ, ბიტკოინს ზრდის შეუზღუდავი პოტენციალი აქვს და სწორედ ესაა მიზეზი, რის გამოც ინვესტორები მზად არიან მისი მკვეთრი რყევები აიტანონ.

ერიკ ტრამპმა მისი ოჯახის კუთვნილი საკრედიტო კრიპტო პლატფორმა World Liberty Financial-ის დაარსებას ფინანსური სისტემის გაუმჯობესების მცდელობა უწოდა. ბიზნესმენის თქმით, ბანკების მხრიდან ძლიერმა ზეწოლამ კიდევ უფრო გაამყარა მისი ოჯახის რწმენა, რომ დეცენტრალიზებულ ფინანსურ პლატფორმებს ბევრად მეტი თავისუფლების შეთავაზება შეუძლიათ.

პლატფორმა World Liberty Financial 2024 წლის სექტემბერში, საპრეზიდენტო არჩევნებამდე ცოტა ხნით ადრე დაარსდა. კომპანიამ მოგვიანებით ტოკენი WLFI და აშშ დოლართან მიბმული სტაბილური კრიპტოვალუტა USD1 გამოუშვა.

წყარო: https://x.com/saylor/status/2024193036691849673