ბრალის წარდგენის ფონზე ტრამპის NFT-ს გაყიდვები 500%-ით გაიზარდა

ბრალის წარდგენის ფონზე ტრამპის NFT-ს გაყიდვები 500%-ით გაიზარდა

შეერთებული შტატების ყოფილი პრეზიდენტის მიმართ ბრალის წარდგენამ დონალდ ტრამპის შეუცვლელი ტოკენების კოლექციის გაყიდვების ბუმი განაპირობა. გაყიდვები თითქმის 500%-ით გაიზარდა.

30 მარტს ანალიტიკურმა პლატფორმამ CryptoSlam მონაცემები გამოაქვეყნა, რომელთა მიხედვითაც, აშშ-ს ყოფილი პრეზიდენტის შესაძლო სამართლებრივი დევნის შესახებ ინფორმაციის გავრცელებისთანავე, პლატფორმა OpenSea-ზე განთავსებული მისი პირადი NFT კოლექციის Collect Trump Cards-ის პოპულარობა, ერთ დღეში 461%-ით გაიზარდა.

დღე-ღამის განმავლობაში 184000-ზე მეტი, ჯამში 186000 დოლარის ღირებულების NFT გაიყიდა. 31 მარტის მონაცემებით, დონალდ ტრამპის  ერთი NFT-ს მინიმალური ფასი 0.58 ETH-ს შეადგენდა (დაახლოებით 1000$).

NFT Collect Trump Cards-ის შეძენისას მყიდველი ავტომატურად იღებს მონაწილეობას გათამაშებაში,

სადაც პრიზის სახით წარმოდგენილია Mar-A-Lago-ში წვეულებაზე მონაწილეობა,  ვახშამი მაიამიში, ყოფილ პრეზიდენტთან ერთად გოლფის მატჩზე დასწრება, ჯგუფური ზარი Zoom-ში .

თავდაპირველ აღწერაში კი ნათქვამია, რომ 45 ან მეტი NFT-ს შეძენის შემთხვევაში, მყიდველებს გარანტია ეძლევათ სამხრეთ ფლორიდაში  ტრამპთან გალა ვახშამზე დასწრების შესაძლებლობა მიიღონ.

2022 წლის ბოლოს, აშშ-ს ყოფილმა პრეზიდენტმა 45,000 NFT-ის გამოშვების შესახებ გამოაცხადა.

კოლექცია Collect Trump Cards, არის ილუსტრატორ კლარკ მიტჩელის ნამუშევრების კრებული, რომელიც ამერიკის ყოფილ პრეზიდენტს  პომპეზურ გარემოში და სხვადასხვა ფორმაში, მათ შორის სუპერგმირების ფორმაში ასახავს.