ტრამპი ეთერიუმს ბიტკოინის გასწრებაში დაეხმარება

ტრამპი ეთერიუმს ბიტკოინის გასწრებაში დაეხმარება

კომპანია Steno Research-ის ანალიტიკოსების განცხადებით, შეერთებულ შტატებში დონალდ ტრამპის პრეზიდენტობა Ethereum-ს კურსის ზრდის ტემპის თვალსაზრისით პირველი კრიპტოვალუტის გასწრებაში დაეხმარება.

Steno Research-ის ანალიტიკოსების აზრით, ბიტკოინი ამჟამინდელი 95 000 დოლარიდან მინიმუმ 150 000 დოლარამდე გაიზრდება. ამავდროულად, კაპიტალიზაციის მიხედვით მეორე უდიდესი კრიპტოვალუტა გაორმაგდება – 3400 დოლარიდან მისი კურსი 8000 დოლარამდე გაიზრდება. ETH/BTC წყვილში მიმდინარე თანაფარდობა, რომელიც 0.0357 შეადგენს, 2025 წლის განმავლობაში 0.06-ს მიაღწევს, რაც ექსპერტების თქმით, გასულ ციკლებში დაფიქსირებულ ფასების ტენდენციებს შეესაბამება.

„2025 წელს ინვესტორების ინტერესი ალტკოინებისკენ იქნება მიმართული. ეს მოლოდინი ნაწილობრივ ეფუძნება არგუმენტს, რომ ტრამპის გამარჯვება აშშ-ს საპრეზიდენტო არჩევნებში უფრო ხელსაყრელი ეთერიუმისა და სხვა ალტერნატიული მონეტებისთვის იქნება, ვიდრე ბიტკოინისთვის და მათ ფასების ზრდის თვალსაზრისით BTC-ის გასწრებაში დაეხმარება.“ – აცხადებენ პროგნოზის ავტორები.

ანალიტიკოსების ვარაუდით, პირველი კრიპტოვალუტის დომინირება 45%-მდე შემცირდება, ხოლო ბლოკირებული დეცენტრალიზებული აპლიკაციების ღირებულების ჯამური მოცულობა ახალ მაქსიმუმს მიაღწევს და 300 მილიონ დოლარს გაუტოლდება. მათი აზრით, ბაზარი „კრიპტოვალუტების უპრეცედენტო მასშტაბის ინსტიტუციური მიღების“ მოწმე შიქმნება და ამ პროცესის ერთ-ერთი მამოძრავებელი ძალა თეთრი სახლის ახალი ადმინისტრაციის პოლიტიკა გახდება.

მანამდე, ბიტკოინთან დაკავშირებული პროგნოზები კომპანია Matrixport-ის ექსპერტებმა გააკეთეს. მათ დაასახელეს ის ძირითადი საფრთხეები, რომლებსაც ბაზარზე ბიტკოინის გრძელვადიანი ზრდის ტენდენციის მოსპობა შეუძლიათ. ექსპერტების თქმით, ერთ-ერთი მათგანი პირველი კრიპტოვალუტის მიწოდების ლიმიტია.