ტრამპი კრიპტოვალუტებს ეროვნულ პრიორიტეტად გამოაცხადებს
გამოცემა Bloomberg საკუთარ წყაროებზე დაყრდნობით ირწმუნება, რომ აშშ-ის არჩეული პრეზიდენტი დონალდ ტრამპი კრიპტოვალუტების ეროვნულ პრიორიტეტად გამოცხადებას გეგმავს.
„დონალდ ტრამპი გეგმავს გამოსცეს ბრძანება, რომელიც კრიპტოვალუტებს ეროვნული პრიორიტეტების დონემდე აამაღლებს და ინდუსტრიის ინსაიდერებს მის ადმინისტრაციაში ხმის უფლებას მისცემს.“ – წერს Bloomberg.
ჟურნალისტების ინფორმაციით, აღნიშნული ბრძანება კარდინალურ ცვლილებებს მოიტანს კრიპტოვალუტების სფეროსთვის, რომელიც ბაიდენის ადმინისტრაციის დროს თაღლითობის სერიების და მათ შორის ბირჟა FTX-ის გაკოტრების შემდეგ გამოძიების საგანი გახდა.
ამჟამად განკარგულებაში დირექტივის შეტანაზე მსჯელობა მიმდინარეობს. საუბარია ციფრული აქტივების მიმართ ყველა სამთავრობო უწყების პოლიტიკის გადახედვაზე და შესაძლოა კრიპტოვალუტებთან დაკავშირებული ყველა სარჩელის შეჩერებაზე.
Bloomberg-ის ცნობით, ბრძანება, რომელიც შესაძლოა 20 იანვარს გამოიცეს, არ არის საბოლოო და მასში მოგვიანებით შესაძლოა ძირეული ცვლილებები შევიდეს.
მანამდე, ვაიომინგის შტატის სენატორმა სინტია ლამისმა (Cynthia Lummis) აშშ-ს მარშალთა სამსახურს წერილობით მიმართა და 69370 BTC-ის შესაძლო გაყიდვასთან დაკავშირებით ჯო ბაიდენის ადმინისტრაციის ქმედებების სამართლებრივი შეფასება მოსთხოვა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)