ტრამპი კრიპტო ბაზრის მომავალზე გავლენას ვეღარ ახდენს

ტრამპი კრიპტო ბაზრის მომავალზე გავლენას ვეღარ ახდენს

ბლოკჩეინ კომპანია Animoca Brands-ის დამფუძნებლის იატ სიუს (Yat Siu) განცხადებით, აშშ-ის პრეზიდენტ დონალდ ტრამპის პოლიტიკა ბიტკოინის ზრდის ფაქტორს აღარ წარმოადგენს და კრიპტო ბაზრის მომავალი ახლა მსხვილი ინვესტორების კაპიტალზეა დამოკიდებული.

სიუს თქმით, თითქმის მთელი 2025 წლის განმავლობაში კრიპტო სამყარო ტრამპს როგორც მხსნელს შესცქეროდა. ინდუსტრია აშშ-ის მთავრობისგან გადაწყვეტილებებს ელოდა, რომლებიც არასდროს განხორციელებულა – ბიზნესმენის აზრით, „ტრამპის იმპულსის“ შესუსტება ბაზრისთვის გარდამტეხი მომენტი აღმოჩნდა.

„ტრამპი მხარს უჭერს კრიპტოვალუტებს, რაც, რა თქმა უნდა, დადებითი მოვლენაა. თუმცა, ჩვენ მისი მთავარი პრიორიტეტი არ ვართ. კრიპტოვალუტების განვითარების შემდეგი ფაზა არა მისი პოლიტიკით, არამედ ინსტიტუციური კაპიტალით განისაზღვრება.“ – განაცხადა Animoca Brands-ის დამფუძნებელმა.

მისი თქმით, გასულ წელს კრიპტოვალუტის ბაზარი მოლოდინებით და არა რეალური, ფუნდამენტური ფაქტორებით საზრდოობდა. ამჟამად, რესტრუქტურიზაციის პროცესი მიმდინარეობს და მსხვილი კორპორატიული კაპიტალი ბაზარზე მუდმივ ძალად იქცევა, დასძინა სიუმ.

ბიზნესმენი მიიჩნევს, რომ ბაზარი სიმწიფის ფაზაში შედის, სადაც ზრდას არა ვაშინგტონის რიტორიკა, არამედ ბლოკჩეინის რეალურ ეკონომიკაში ინტეგრაცია განაპირობებს.

სიუს თქმით, ინვესტორების ტექნოლოგიური პრაგმატიზმი ბაზრის ზრდისთვის გაცილებით მდგრად საფუძველს შექმნის, ვიდრე ნებისმიერი საარჩევნო დაპირება, რადგან ეფექტურობისა და დეცენტრალიზაციის ფუნდამენტური მოთხოვნა პოლიტიკური ციკლებისგან დამოუკიდებელია.

ცოტა ხნით ადრე Binance Research-ის ექსპერტებმა განაცხადეს, რომ კრიპტოვალუტის ბაზარი გადადის ისეთ მოდელზე, სადაც ვირტუალური მონეტების ფასები დამოკიდებული არა საცალო ინვესტორების აჟიოტაჟზე, არამედ Wall Street-ის მთავარი ფონდების მართვაზე იქნება.

წყარო: https://www.coindesk.com/policy/2026/01/18/animoca-s-yat-siu-says-crypto-s-trump-moment-is-over