ტრამპმა ციფრული დოლარის დაბლოკვის პირობა დადო

ტრამპმა ციფრული დოლარის დაბლოკვის პირობა დადო

ნიუ-ჰემფშირში გამართულ შეხვედრაზე რესპუბლიკელთა საპრეზიდენტო კანდიდატმა ამომრჩევლებს განუცხადა, რომ ამერიკელებს „სახელმწიფოს ტირანიისგან“ დაიცავს.

დონალდ ტრამპის თქმით, ციფრულ დოლარზე გადასვლა საბანკო სექტორისთვის საფრთხეს წარმოადგენს და მთავრობის მხრიდან მოქალაქეების ფინანსურ ტრანზაქციებზე კონტროლის გაზრდას გამოიწვევს.

ტრამპმა პირობა დადო, რომ შეეწინააღმდეგება „ფედერალური რეზერვის ნებისმიერ მცდელობას, აშშ დოლარის ციფრული ვერსია აამოქმედოს.“

კონსერვატულად განწყობილი ექსპერტების მხრიდან დონალდ ტრამპის ამგვარ განცხადებებს კრიტიკა მოჰყვა.

Bloomberg-ის მიმომხილველის, ჯონათან ლევინის (Jonathan Levin) თქმით, აშშ-ს ფედერალური რეზერვის დამოუკიდებლობის ხელყოფის საფრთხე, რომელიც რესპუბლიკელთა კანდიდატის მხრიდან გაჟღერდა, ერთ-ერთი ყველაზე ცუდი ეკონომიკური წინადადებაა, რაც კი ოდესმე საპრეზიდენტო კანდიდატს გაუჟღერებია.

„როგორც ჩანს, დონალდ ტრამპი სერიოზულად უყურებს თავის გეგმას, მონეტარულ პოლიტიკაში პრეზიდენტებს სიტყვის უფლება მისცეს. ეს ძირს უთხრის ათწლეულების მანძილზე Fed-ის დამოუკიდებლობას, კალაპოტიდან ამოაგდებს ბაზრებს და გაანადგურებს ქვეყნის უნარს გრძელვადიან პერსპექტივაში ინფლაცია გააკონტროლოს.“- განაცხადა ლევინმა.

მანამდე ყოფილმა პრეზიდენტმა და პრეზიდენტობის ამჟამინდელმა კანდიდატმა ფინანსური აქტივების ანგარიში გამოაქვეყნა, რომელშიც ნათქვამია, რომ მის მფლობელობაში ამჟამად 1-დან 5 მილიონ დოლარამდე ღირებულების კრიპტოვალუტაა.