ტრამპმა BitMEX-ის სამი დამფუძნებელი შეიწყალა
CNBC-ის ცნობით, აშშ-ს პრეზიდენტმა დონალდ ტრამპმა ხელი მოაწერა აღმასრულებელ ბრძანებას კრიპტოვალუტის ბირჟა BitMEX-ის თანადამფუძნებლების არტურ ჰეისის, ბენჯამინ დელოსა და სამუელ რიდის შეწყალების შესახებ, რომლებიც ადრე საბანკო საიდუმლოების შესახებ აქტის დარღვევაში დამნაშავედ ცნო.
შეწყალების მიზეზები ამ დრომდე გაურკვეველია – სამივე უკვე გასამართლებული იყო და სამივე მათგანს შედარებით მსუბუქი სასჯელი, როგორიცაა შინაპატიმრობა, პირობითი პატიმრობა და ჯარიმა განესაზღვრათ.
უნდა აღინიშნოს, რომ ამ დროისთვის თეთრ სახლს შეწყალების შესახებ ოფიციალური განცხადება არ გაუკეთებია. თუმცა, 20 იანვრიდან დღემდე ტრამპმა ხელი არაერთ მსგავს ბრძანებას მოაწერა და უამრავი ადამიანი, მათ შორის Silk Road-ის დამფუძნებელი როს ულბრიხტი (Ross Ulbricht) შეიწყალა.
შეგახსენებთ, რომ აშშ-ს სასაქონლო ფიუჩერსების სავაჭრო კომისიამ (CFTC) BitMEX-ისა და მისი დამფუძნებლების წინააღმდეგ სარჩელი
ჯერ კიდევ 2020 წელს შეიტანა. მოპასუხეთა შორის აღმოჩნდნენ BitMEX-ის აღმასრულებელი დირექტორი არტურ ჰეისი (Arthur Hayes), BitMEX-ის თანადამფუძნებელი ბენ დელო (Ben Delo), ტექნიკური დირექტორი სამუელ რიდი (Samuel Reed) და BitMEX-ის ბიზნესის განვითარების მენეჯერი გრეგ დუიერი(Greg Dwyer).
არტურ ჰეისი იძულებული გახდა აღმასრულებელი დირექტორის თანამდებობიდან გადამდგარიყო. 2022 წელს ჰეისმა და დელომ თავი დამნაშავედ ცნეს იმაში, რომ ფულის გათეთრების საწინააღმდეგო პროგრამაში ჩართვაზე უარი შეგნებულად განაცხადეს. ცოტა მოგვიანებით, მსგავსი განცხადება რიდმაც
გააკეთა. BitMEX 100 მილიონი დოლარით დაჯარიმდა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)