ტრამპს და ბაიდენს კრიპტოვალუტების არაფერი გაეგებათ

ტრამპს და ბაიდენს კრიპტოვალუტების არაფერი გაეგებათ

ამერიკელი ბიზნესმენისა და მილიარდერის განცხადებით, აშშ-ს ყოფილი პრეზიდენტი დონალდ ტრამპი, ისევე როგორც მოქმედი პრეზიდენტი ჯო ბაიდენი კრიპტოვალუტებში თანაბრად ვერ ერკვევიან. ხოლო ციფრული აქტივები მთავარი კანდიდატების პროგრამებში მხოლოდ და მხოლოდ 4 ნოემბრის საპრეზიდენტო არჩევნებში გამარჯვების მიზნით მოხვდა.

მარკ კუბანის (Mark Cuban) თქმით, თუ ჯო ბაიდენი მომავალ არჩევნებში დამარცხდება, კრიპტო საზოგადოება აშშ-ს ფასიანი ქაღალდებისა და ბირჟების კომისიასა (SEC) და მის თავმჯდომარე გერი გენსლერს (Gary Gensler) „მადლობას გადაუხდის.“

მიუხედავად იმისა, რომ კუბანისთვის თავად პოლიტიკური კანდიდატების კომპეტენცია საეჭვოა, მილიარდერის აზრით, ეს საარჩევნო კამპანიაში კრიპტოვალუტების საკითხის მნიშვნელობას არ ამცირებს.

„როგორ ფიქრობთ, ტრამპს კრიპტო-ს შესახებ რამე ესმის, გარდა იმისა, რომ NFT-ების გაყიდვით ფული გაააკეთა? არცერთ კანდიდატს არ ესმის. მაგრამ ბაიდენს გერი გენსლერსა და კრიპტო ამომრჩეველს შორის არჩევანის გაკეთება მოუწევს. წინააღმდეგ შემთხვევაში, ეს მას თეთრი სახლის ფასად დაუჯდება.“

ბიზნესმენის თქმით, ამჟამინდელი ხელისუფლების კრიპტო ინდუსტრიის მიმართ წარმართული პოლიტიკა დესტრუქციული და დამსჯელობითია, რის ფონზეც ტრამპის გუნდის ქმედებები ჯერჯერობით კარგად გააზრებული ჩანს.

მანამდე Standard Chartered-ის ფორექსისა და ციფრული აქტივების კვლევის ხელმძღვანელმა ჯეფრი კენდრიკმა (Jeffrey Kendrick) იწინასწარმეტყველა, რომ აშშ-ს საპრეზიდენტო არჩევნების დასრულებამდე ბიტკოინი 100 000 დოლარამდე გაიზრდებოდა.