უკანონო კრიპტო ტრანზაქციებმა რეკორდულ მაჩვენებელს მიაღწია
Chainalysis-ის სპეციალისტების განცხადებით, უზარმაზარი რიცხვები პირველ რიგში სანქციებს უკავშირდება.
Chainalysis-ის წლიური ანგარიშის მიხედვით, უკანონოდ მოპოვებული ციფრული აქტივების საერთო რაოდენობამ 2022 წელს რეკორდულ 20,1 მილიარდ დოლარს მიაღწია. ეს მაჩვენებელი საბოლოო არ არის და შესაძლოა გაიზარდოს, თუ ანალიტიკოსები კრიმინალურ აქტივობასთან დაკავშირებულ ახალ მისამართებს აღმოაჩენენ.
მაჩვენებელი არ ითვალისწინებს ისეთ შემოსავალს, რომელიც კრიპტოვალუტით ვაჭრობას არ უკავშირდება. მაგალითად, ნარკოტიკებით ვაჭრობას.
ასევე არ არის გათვალისწინებული გაკოტრებული კრიპტოვალუტის კომპანიების ბალანსზე არსებული გაყინული თანხები.
2021 წელს ეს მაჩვენებელი 18 მილიარდ დოლარს შეადგენდა. რაც ნიშნავს, რომ კრიპტოვალუტასთან დაკავშირებული დანაშაულებებიდან მიღებული შემოსავლის ზრდამ წელიწადში 10%-ს გადააჭარბა. 2020 წელთან შედარებით ზრდა 60%-ს შეადგენს (მაშინ ბრუნვა მხოლოდ 8 მილიარდი დოლარი იყო).
ანალიტიკოსები ასეთ მაღალ მაჩვენებლებს იმ გარემოებას მიაწერენ, რომ 2022-ში არალეგალური ტრანზაქციების 44% სანქციების ქვეშ მყოფ ორგანიზაციებს უკავშირდება. აშშ-ს საგარეო აქტივების კონტროლის ოფისმა (OFAC) გასულ წელს კრიპტო ბაზრის მონაწილეებისთვის არც ისე ცოტა სანქციები დააწესა.
Chanalisys-ის ექსპერტებმა მაგალითად რუსული კრიპტო ბირჟა Garantex მოიყვანეს, რომელიც გასულ წელს OFAC-ის სანქციების რეესტრში შევიდა.
ანალიტიკოსების მონაცემებით, სანქციებთან დაკავშირებული ტრანზაქციების უმეტესობა სწორედ მისი მეშვეობით განხორციელდა.
Garantex-ის გარდა სანქცირებულთა ჩამონათვალში მოხვდა დარქნეტ პლატფორმა Hydra და კრიპტო მიქსერი Tornado Cash. საერთო სტატისტიკაზე თითოეულმა მათგანმა იმოქმედა.
Chanalysis-ის მიერ მანამდე გამოქვეყნებული ანგარიშის მიხედვით, კომპანიის ექსპერტებმა დაასკვნეს, რომ Tornado Cash-ის მიმართ დაწესებულმა სანქციებმა ამ დეცენტრალიზებული სერვისის გამოყენების სრულად შეჩერება ვერ შეძლეს. სანქციების შედეგად მხოლოდ მისი ხელმისაწვდომობა შემცირდა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)