უკრაინამ შემოწირული კრიპტოვალუტა უკვე დახარჯა

უკრაინამ შემოწირული კრიპტოვალუტა უკვე დახარჯა 

 უკრაინული კროპტო ბირჟა Kuna-ს დამფუძნებლის, მიხეილ ჩობანიანის განცხადებით, უკრაინის თავდაცვის სამინისტრომ შემოწირულობის სახით შემოსული კრიპტოვალუტის ფონდების გამოყენების გადაწყვეტილება მიიღო.

ჩობანიანი CoinDesk-ს მას შემდეგ ესაუბრა, რაც  ტვიტერზე უკრაინის დასახმარებლად საერთო ჯამში გადმორიცხული 16 მილიონ დოლარზე მეტი ღირებულების კრიპტოვალუტის შესახებ ინფორმაცია გავრცელდა.

Fund status for 01.03 7:00
Share link to collect morehttps://t.co/2l0P7zH2p3#Ukraine #StopPutin #StopWar #StopRussia #Crypto #charity #Donations pic.twitter.com/2TuKvFABrY

— Michael Chobanian (@ChobanianMike) March 1, 2022

„16,8 მილიონი დოლარიდან 14 მილიონი  უკვე დახარჯულია.“ – განაცხადა ჩობანიანმა.

ფონდების გამოყენების დღესვე რუსული სარაკეტო თავდასხმის შედეგად  70 უკრაინელი ჯარისკაცი დაიღუპა,

ხოლო სატელიტიდან კიევიდან 27 კილომეტრის დაშორებით უკრაინის დედაქალაქისკენ მიმავალი 64 კილომეტრზე გადაჭიმული რუსული სამხედრო კოლონა გამოჩნდა. 

თანხების განკარგვა უკრაინის თავდაცვის მინისტრის, ალექსეი რეზნიკოვის ბრძანებით მოხდა. უკრაინის მთავრობამ უსაფრთხოების ზომებიდან გამომდინარე არ გაასაჯაროვა თუ რაზე დაიხარჯა თანხები. თუმცა, ბლოკჩეინის ტექნოლოგიის წყალობით პროცესი გამჭვირვალე იქნება. პროცესებში ჩახედულ ანონიმურ წყაროზე დაყრდნობით, ამის შესახებ განცხადებას უკრაინის მთავრობა მოგვიანებით გააკეთებს. 

CoinDesk-მა ცოტა ხნის წინ გაავრცელა ინფორმაცია, თუ როგორ მოახდინა უკრაინის მთავრობამ კრიპტოვალუტის შემოწირულობების გამოყენებით გაზის, საკვებისა და სამხედრო აღჭურვილობის მარაგების შეძენა.

წყარო: https://www.coindesk.com/