უოლ-სტრიტზე ბიტკოინის 10000-მდე ვარდნას ელოდებიან

უოლ-სტრიტზე ბიტკოინის 10000-მდე  ვარდნას ელოდებიან

Bloomberg MLIV Pulse-ის ანალიტიკოსების მიერ გამოკითხული მსხვილი ამერიკელი კრიპტო ინვესტორები მიიჩნევენ, რომ დიდი ალბათობით მოსალოდნელია ბიტკოინი 10,000 დოლარამდე დაეცეს.

უოლ-სტრიტზე გამოკითხული 950 რესპონდენტიდან 60%-ზე მეტი ფიქრობს, რომ BTC-ის ფასი 30,000 დოლარს აღარ დაუბრუნდება. 40%-ს კი ჰგონა, რომ ყველაფერი შეიძლება საპირისპიროდ განვითარდეს და პირველმა კრიპტოვალუტამ  დაკარგული პოზიციები დაიბრუნოს.

მას შემდეგ, რაც ნოემბერში თითქმის 69,000$-ს მიაღწია, ბიტკოინმა თავისი ღირებულების ორ მესამედზე მეტი დაკარგა. კრიპტოვალუტის ბაზრის საერთო ვარდნასთან ერთად, ამან  დიდი პანიკა გამოიწვია საცალო ინვესტორებში, რომლებიც კრიპტოვალუტების მიმართ უფრო ფრთხილები გახდნენ, მათი ინსტიტუციური კოლეგებისგან განსხვავებით, რომელთა თითქმის მეოთხედმა აქტივების ეს კლასი ნაგავს გაუტოლა.

MLIV Pulse-ის ანალიტიკოსების აზრით,  კრიპტოვალუტის კრახმა შესაძლოა ეროვნული მთავრობები აიძულოს ინდუსტრიის დასარეგულირებლად მეტი ძალისხმევა მიმართონ.

რესპონდენტთა უმეტესობა მთავრობების მხრიდან მკაცრ ზედამხედველობას დადებითად მიიჩნევს. რადგან ამას  ციფრული აქტივების მიმართ ნდობის გაზრდა და როგორც ინსტიტუციური, ისე საცალო ინვესტორების მხრიდან მეტი მიმღებლობის გამოწვევა შეუძლია.

ცოტა ხნის წინ აშშ-ს ფედერალური სარეზერვო ფონდის ვიცე-თავმჯდომარემ ლაელ ბრეინარდმა (Lael Brainard) განაცხადა,

რომ კრიპტო კომპანიების დეფოლტის ტალღასთან დაკავშირებული სიტუაცია კრიპტო ინდუსტრიის უფრო ფრთხილ ზედამხედველობას მოითხოვს და პოლიტიკოსებს კონტროლის გამკაცრებისკენ მოუწოდა.