უძრავი ქონების გარიგებების 50% კრიპტოვალუტით განხორციელდება

უძრავი ქონების გარიგებების 50% კრიპტოვალუტით განხორციელდება

ცნობილი უძრავი ქონების აგენტი, მწერალი და ტელეწამყვანი რაიან სერჰანტი ვარაუდობს, რომ მომდევნო ხუთი წლის განმავლობაში უძრავი ქონების გარიგებების 50% კრიპტოვალუტის გამოყენებით განხორციელდება.

Million Dollar Listing New York-ის წამყვანის, რაიან სერჰანტის (Ryan Serhant) განცხადებით,  წელს  როგორც ვირტუალური ისე რეალური უძრავი ქონების ბაზარზე „ბუმი“ იყო. ფიზიკურმა პირებმა და ორგანიზაციებმა ასობით ათასი დოლარი ETH-ში და სხვა კრიპტოვალუტაში გადაიხადეს.

სერჰანტის პროგნოზების მიხედვით, მომდევნო ხუთ წელიწადში უძრავ ქონებასთან დაკავშირებული გარიგებების ნახევარი კრიპტოაქტივების გამოყენებით განხორციელდება.

„ჩვენ უნიკალურ დროში ვცხოვრობთ. მალე ბევრი „ვეშაპი“ გამოჩნდება, რომლებიც თავიანთ კრიპტოვალუტებს მატერიალურ აქტივებად გადააქცევენ,

პენტჰაუსებს და მიწას შეიძენენ. ამ თვეში მხოლოდ ნიუ-იორკში ორი  კრიპტოვალუტის გარიგება გვაქვს. გარდა ამისა, დეკემბერში ჩვენ  BitPay-თან ერთად შვიდი გარიგების განხორციელებას ვგეგმავთ“- თქვა სერჰანტმა.

ცნობილი უძრავი ქონების აგენტი დარწმუნებულია, რომ კრიპტოვალუტების დანერგვით გადახდის ასეთი მეთოდი მოსახლეობისთვის ჩვეული გახდება. ის ასევე ფიქრობს, რომ საცხოვრებლის დაკრედიტების გასამარტივებლად, ბანკებმა კრიპტოაქტივები სხვა საბანკო პროდუქტების ჩამონათვალში უნდა დაამატონ.

„თუ საცხოვრებლისთვის სესხის მისაღებად კრედიტორთან მივალ და ვეტყვი, რომ მთელი ჩემი აქტივი SOL, ETH და BTC კრიპტოვალუტებშია დაბანდებული, ის ამას სარისკო ავანტიურად ჩათვლის. გამსესხებელი იტყვის: „კრიპტოვალუტები არასტაბილურია, ამიტომ ჩვენ ვერ მოგცემთ სესხს ასეთი პირობებით ან მოგცემთ 25%-ში.“ – დასძინა სერჰანტმა.

იმის მიუხედავად, რომ კრიპტოვალუტები სულ უფრო ხშირად გამოიყენება ნივთების შესაძენად, უძრავი ქონების სააგენტოებს არ შეუძლიათ სახლები ბიტკოინის საფულის მქონე ნებისმიერ მომხმარებელს მიჰყიდონ. საუბარია მარეგულირებელ მოთხოვნებთან და KYC პროცედურასთან შესაბამისობაზე, რათა აშშ-ს სანქციების სიაში შემავალი ფიზიკური პირებისა და კრიმინალებისთვის აშშ-ს ბაზარზე არსებული უძრავი ქონების მიყიდვა თავიდან იქნას აცილებული.

„მე ცალსახად უსაფრთხო ფულის მომხრე ვარ. მაგრამ, ამავდროულად, თუ კრიპტოვალუტების გამოყენება საცხოვრებლის შეძენა ამარტივებს და აჩქარებს, ეს საკმაოდ დამაჯერებლად გამოიყურება. თუ ვინმეს ETH-ში 20 მილიონი აშშ დოლარი აქვს და სურს 15 მილიონი აშშ დოლარი ბინის შესაძენად გამოიყენოს, შუამავლობით მოხარული ვიქნები.“ – თქვა სერჰანტმა.

უძრავი ქონების BTC-ში შეძენის პირველი გარიგება 2017 წელს ტეხასში შედგა. გარდა ამისა, მიმდინარე წლის ოქტომბერში ავსტრალიურმა აუქციონმა Lloyds Auctions-მა უძრავი ქონების და სხვა საქონლის ბიტკოინით შეძენის შესაძლებლობა დაამატა.

წყარო: https://bits.media/