ფასის დაცემის ფონზე სალვადორმა BTC შეისყიდა

ფასის დაცემის ფონზე სალვადორმა BTC შეისყიდა

სალვადორის მთავრობამ ბიტკოინის ფასის დაცემის ფონზე ბიტკოინების მარაგი კიდევ 500 BTC-ით შეავსო.

სალვადორის პრეზიდენტმა ნაიბ ბუკელემ (Nayib Bukele) ტვიტერში დაწერა, რომ ქვეყნის მთავრობამ 500 BTC შეიძინა – თითო მონეტა 30,744 აშშ დოლარად. 

ახლა სალვადორი დაახლოებით 2301 BTC-ს ფლობს. იმ დროიდან მოყოლებული, რაც ქვეყანამ ბიტკოინი გადახდის საშუალებად დააკანონა, ეს სახელმწიფოა მხრიდან ბიტკოინის ყველაზე მასშტაბური შესყიდვაა. 

საერთაშორისო სავალუტო ფონდის (IMF) კრიტიკის მიუხედავად,  ბუკელე კურსის მკვეთრი ვარდნის დროს BTC-ს პირველად არ ყიდულობს.

მიუხედავად გაფრთხილებისა, რომ ბიტკოინის, როგორც გადახდის საშუალების ლეგალიზება შესაძლოა სარისკო არა მხოლოდ მოქალაქეებისთვის, არამედ გლობალური ფინანსური სტაბილურობისთვისაც იყოს, სალვადორის ხელისუფლება ბიტკოინში ინვესტირებას აგრძელებს.

მათ მიაჩნიათ, რომ ეს ინვესტიციები ქვეყანაში ინფლაციის პრობლემის მოგვარებას შეუწყობს ხელს.

ამასთან, ბიტკოინის შემოღებით სალვადორი სარგებელს უკვე იღებს . ამ კრიპტოაქტივის ოპერაციებიდან მიღებული მოგება უკვე ხმარდება ქვეყანაში არსებული პრობლემების მოგვარებას.

ცოტა ხნის წინ სალვადორის მაგალითს ცენტრალური აფრიკის რესპუბლიკაც მიჰყვა და ქვეყნის ეკონომიკის აღდგენის იმედით ბიტკოინის ლეგალიზება მოახდინა.

ბოლო რამდენიმე დღეა, რაც ბიტკოინის კურსი თითქმის 10,000 $-ით დაეცა და 30,000$-ზე დაბლა ჩამოვიდა. თუმცა, ბუკელე  პირველი კრიპტოვალუტის ოპტიმისტურ მომავალშია დარწმუნებული. მისი პროგნოზით, წელს BTC კურსი 100,000$-მდე აიწევს, რაც მხოლოდ „დროის საკითხია“.