ბიტკოინმა სამშაბათს 19,400 დოლარი შეადგინა და აღმოჩნდა მისი ისტორიული მაქსიმუმის ქვემოთ მხოლოდ რამდენიმე ასეული დოლარით. ამასთან, დოუ ჯონსის სამრეწველო ინდექსის ან S&P 500-ისგან განსხვავებით, ბიტკოინს არ აქვს შეთანხმებული ისტორიული მაქსიმუმი, რადგან ფასი მნიშვნელოვნად იცვლებოდა სავაჭრო პლატფორმებზე, როდესაც ის დადგენილი იქნა 2017 წლის დეკემბერში.
”როგორია ისტორიული მაქსიმუმი? სერიოზულად, ციფრი არ ვიცი, ”- წერს ნირაჟ აგრავალი, Coin Center-ის ორგანიზაციის კომუნიკაციების დირექტორი.
The Block-ის ანალიტიკოსმა ლარი ჩერმაკმა შეადგინა სხვადასხვა ბირჟებზე მაღალი მაჩვენებლების სია. ღირებულებები იცვლება 19,660 აშშ დოლარიდან Kraken–ზე 20,093 დოლარამდე BitMEX–ზე. ბოლო რიცხვი განსხვავდება სიაში ჩამონათვალისაგან. ჩერმაკმა განმარტა, რომ მან გამოიყენა ინდექსის ფასი, მაგრამ რეალური ფასი უფრო მაღალი იყო.
CoinMarketCap–ის თანახმად, ბიტკოინის ისტორიული მაქსიმუმი 2017 წლის 17 დეკემბერს 20,089 დოლარად დაფიქსირდა. ,,ნებისმიერი კრიპტოაქტივის ფასი არის ამ კრიპტოაქტივის მოცულობით შეწონილი საშუალო საბაზრო ფასი,” განმარტავს CoinMarketCap თავის მეთოდოლოგიას.
Messari იყენებს იგივე მნიშვნელობას და აღნიშნავს: ”ისტორიული მაჩვენებელი სულაც არ არის აბსოლუტურად ყველაზე მაღალი ღირებულება ერთი ოპერაციისთვის. ჩვენს მიერ გაანალიზებული ისტორიული მონაცემების ხასიათიდან გამომდინარე, ჩვენ ყოველთვის არ შეგვიძლია გადავამოწმოთ აქტივის ყველა ვაჭრობა. ზოგიერთი აქტივისთვის ეს ისტორიული მაღალი მაჩვენებელი შეიძლება იყოს დადგენილი დღის ყველაზე მაღალი საშუალო მნიშვნელობა. ”
CoinDesk ბიტკოინის ფასის ინდექსი, რომელსაც ხშირად ახსენებენ ისეთი მედია საშუალებები, როგორიცაა Fortune, ითვლება მაქსიმალური ღირებულებით 19 783 აშშ დოლარი.
”ეს დამოკიდებულია იმაზე, თუ რომელ ბირჟებს იყენებენ ისინი და როგორ გამოითვლის ფასს თითოეული მიმწოდებელი,” – განუცხადა Decari-სთან საუბრისას Messari-ს ანალიტიკოსმა რაიან უოტკინსმა.
აგრავალმა, საკუთარ კითხვას უპასუხა და თქვა: ”მე ვფიქრობ, რომ 20,000 აშშ დოლარი – ეს არის ზღვარი მასობრივი ყურადღებისთვის, ამიტომ მე მაინტერესებს ეს დონე.”
Cryptowatch–ის დამფუძნებელი არტურ საფეკი მხარს უჭერს ამ მოსაზრებას: ”პირადად მე ვფიქრობ, რომ 20,000 აშშ დოლარი კარგი ეტალონია ისტორიული მაქსიმუმის გასათვალისწინებლად, რადგან ღირებულებები ძალიან განსხვავდება ბირჟებზე და 2017 წლიდან დოლარმა დაკარგა თავისი ღირებულების ნაწილი. ინფლაციაზე მორგებული, 20 000 აშშ დოლარის მაჩვენებელის გამოყენება ახლა გონივრული ჩანს. ”
Pantera Capital–ის პარტნიორმა პოლ ვერადიტაკიტმა თქვა: ”არასდროს მეგონა, რომ ფასს მნიშვნელობა ჰქონდა მედიის, მეინსტრიმის, ფინანსური სახსრების შეგროვების (ფანდრაიზინგის) და რეკრუტირების მიღმა. სხვა სიტყვებით რომ ვთქვათ, ფასის ზრდას აქვს სასარგებლო ეფექტი და მე მჯერა, რომ ბიტკოინისთვის ისტორიული მაჩვენებელი იქნება 19 783 დოლარი, როდესაც ფასი ამ ნიშნულს მიაღწევს უმეტეს ბირჟებზე.”
,,მე ვფიქრობ, რომ ამას მნიშვნელობა არ აქვს. მიუხედავად იმისა, როგორ გაზომავთ მას, ჩვენ საკმარისად მალე გადავლახავთ წინა მაქსიმუმებს. ყველაფერი წინ არის, ”- თქვა მეთიუ გრეჰემმა, Sino Global Capital-ის აღმასრულებელმა დირექტორმა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)