ფრანგმა ინვესტორებმა Binance-ს უჩივლეს
15-მა ინვესტორმა საფრანგეთიდან მსოფლიოში უმსხვილესი კრიპტოვალუტის ბირჟის ადგილობრივი წარმომადგენლობისა და მისი შვილობილი კომპანია Binance Holdings-ის წინააღმდეგ თაღლითობის ბრალდებით სარჩელი შეიტანა.
მოსარჩელეების გაცხადებით, Binance-მა საფრანგეთის რეკლამის შესახებ კანონი დაარღვია და საკუთარი სერვისების რეკლამირება ადგილობრივი მარეგულირებლებისგან ლიცენზიის მიღებამდე დაიწყო. Binance France-მა ქვეყანაში საქმიანობის განხორციელების ლიცენზია 2022 წლის მაისში მიიღო.
მოსარჩელეებმა Binance-ის მიერ ლიცენზიის მიღებამდე განთავსებული რეკლამის სქრინშოტები, ასევე Binance-ის ფრანგული ტელეგრამ არხზე განთავსებული პოსტების სქრინშოტები წარადგინეს, სადაც Binance-ის პლატფორმის მეშვეობით ინვესტირებისკენ იყო მოწოდება. მოსარჩელეების თქმით, მათ Terra-ს ეკოსისტემის ჩამოშლისას დაახლოებით 2,4 მილიონი ევრო დაკარგეს, ამ დროს კი Binance-ის არხზე მომხმარებლებს სტეიბლკოინ TerraUSD-ში ინვესტირებისკენ მოუწოდებდნენ.
საპასუხოდ Binance-ის წარმომადგენლებმა განაცხადეს, რომ ბირჟა საკუთარ თავს უსაფრთხო საინვესტიციო პლატფორმად პოზიციონირებს, რაც იმას არ ნიშნავს, რომ სავაჭრო პლატფორმა ნებისმიერი ტოკენის უსაფრთხოებას უზრუნველყოფს. რაც შეეხება ტელეგრამ არხებს, Binance-ის წარმომადგენლების თქმით, ისინი კრიპტო საზოგადოების გლობალურ ფორუმებს წარმოადგენენ და არა ბირჟის ოფიციალურ არხებს.
ცოტა ხნით ადრე Binance-ის აღმასრულებელმა დირექტორმა ჩენპენ ჯაომ (Changpen Zhao) საფრანგეთს ევროპაში პლატფორმის განვითარებისთვის ერთ-ერთი ყველაზე მნიშვნელოვანი ქვეყანა უწოდა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)