ყაზახეთი კრიპტოვალუტის ლეგალიზაციისთვის ემზადება

ყაზახეთიმა კრიპტოვალუტების ლეგალიზაციისთვის მზადყოფნა გამოაცხადა  

ყაზახეთის რესპუბლიკის პრეზიდენტმა ციფრული აქტივების ინდუსტრიის განვითარების ინტერესების სასარგებლოდ  ქვეყნის კანონმდებლობის შეცვლის მზადყოფნის შესახებ გამოაცხადა.

საერთაშორისო ფორუმ Digital Bridge 2022-ზე ყასიმ-ჟომარტ ტოკაევმა განაცხადა, რომ ყაზახეთი აპირებს ციფრული ტექნოლოგიების, კრიპტოვალუტის ეკოსისტემისა და რეგულირებული მაინინგის სფეროში საერთაშორისო ლიდერი გახდეს.

ასტანას საერთაშორისო ფინანსურ ცენტრში (AIFC) ქვეყნის მთავრობამ კრიპტოვალუტის კონვერტაციის მექანიზმის საპილოტე ვერსიის ამოქმედებისთვის საკანონმდებლო ცვლილებები შეიმუშავა. პროექტი სატესტო რეჟიმში 2022 წლის ბოლომდე იმუშავებს.

„ასტანას საერთაშორისო ფინანსური ცენტრის პლატფორმაზე სპეციალური საპილოტე პროექტის ფარგლებში კრიპტოვალუტის კონვერტაცია უკვე მიმდინარეობს. თუ შემდგომში ამ ფინანსური ინსტრუმენტის მოთხოვნადობა და უსაფრთხოება დადასტურდა, მაშინ ის აუცილებლად მიიღებს სრულ იურიდიულ აღიარებას.“-განაცხადა ყასიმ-ჟომარტ ტოკაევმა.

ზაფხულში ასტანას საერთაშორისო ფინანსურ ცენტრში (AIFC)  კომერციული ბანკებისა ლიცენზირებული კრიპტო ბირჟების ურთიერთქმედების პილოტური პროექტი დაიწყო.

პროექტის მიზანი კრიპტოპლატფორმებისა და მათი კლიენტების მიერ ყაზახეთის ბანკებში ანგარიშების გახსნაა.

პროექტში მონაწილეობენ კრიპტო ბირჟები ATAIX Eurasia და Biteeu Eurasia, ასევე ბანკები: Halyk Bank, Altyn Bank და Eurasian Bank.

აგვისტოში, ასტანას ფინანსური მომსახურების ორგანომ (AFSA)  ყაზახეთის რესპუბლიკაში ციფრულ აქტივებთან მუშაობისთვის კრიპტოვალუტის ბირჟა Binance-ზე დროებითი ლიცენზია გასცა.