ყაზახეთმა 13 მაინინგ ფერმა გააუქმა

ყაზახეთმა 13 მაინინგ ფერმა გააუქმა

ყაზახეთის ენერგეტიკის სამინისტრომ 13 მაინინგ ფერმის ლიკვიდაციის შესახებ გამოაცხადა.

ყაზახეთის მთავრობამ ელექტრო ქსელზე უკანონოდ შეერთებული მაინერების გამოვლენისა და ქსელიდან გათიშვის მიზნით კამპანია დაიწყო.

ყაზახეთის ენერგეტიკის სამინისტრომ განაცხადა, რომ მისმა ექსპერტებმა ბოლო ხუთი დღის განმავლობაში  იმ 13 მაინინგ ფერმის იდენტიფიცირება და გამორთვა შეძლეს, რომლებსაც ოფიციალური პირები უკანონოდ მიიჩნევენ.

სამართალდამცავი ორგანოები ეძებენ ყველა იმ პირს, ვინც ამ ბიზნესის ორგანიზებაში მონაწილეობს. 13 კრიპტო საწარმოს ჯამურმა სიმძლავრემ 202 მეგავატი შეადგინა. ენერგეტიკის სამინისტროს განცხადებით,  ისინი სხვა მსგავსი მეურნეობების მოძიებას გააგრძელებენ.

ყაზახეთი ბიტკოინების გლობალურ წარმოებაში მსოფლიოში მეორე ქვეყნად ითვლება. გასული წლის აგვისტოში ქვეყანამ გლობალური ჰეშრეითის დაახლოებით 18% შეადგინა.

ოფიციალური პირების განცხადებით,  მაინინგის მიზეზით ბოლო თვეების მანძილზე რესპუბლიკაში ენერგიის მოხმარება შესამჩნევად გაიზარდა. ხელისუფლება დღევანდელი მდგომარეობით შეშფოთებულია . 8 თებერვალს ყაზახეთის პრეზიდენტმა უკანონო მაინინგის შემთხვევების გამოძიება და პასუხისმგებელი პირების დასჯის ბრძანება გასცა. საპასუხოდ, ყაზახეთის ვიცე მინისტრმა მარატ სულთანგაზიევმა მაინერებისთვის გადასახადების შემოღება და მათთვის ელექტროენერგიის ფასის 335%-ით გაზრდა შესთავაზა.

ცოტა ხნის წინ მაინინგ კომპანიამ BIT Mining გამოაცხადა, რომ ელექტროენერგიის მიწოდებაზე შეზღუდვის გამო ყაზახეთში  მონაცემთა ცენტრის მშენებლობას აღარ აპირებს.

წყარო: https://bits.media/