ყველა ვინც შეიძლება გაკოტრებულიყო უკვე გაკოტრდა

ყველა, ვინც შეიძლება გაკოტრებულიყო, უკვე გაკოტრდა

კრიპტო დერივატივების პლატფორმა BitMEX-ის ყოფილი აღმასრულებელი დირექტორის აზრით, 2023 წელს კრიპტო ბაზარი შესაძლოა ნაწილობრივ აღდგეს, რადგან „ყველაზე უპასუხისმგებლო ორგანიზაციები“ უკვე გაკოტრდნენ.

არტურ ჰეისის (Arthur Hayes) განცხადებით, კრიპტოვალუტის ბირჟა FTX-ის კოლაფსმა და შედეგად გამოწვეულმა კრიპტო ბაზრის ვარდნამ, უმსხვილესი კრიპტო კომპანიების ნგრევა გამოიწვია.

მიუხედავად იმისა, რომ ინდუსტრია „ჯერ კიდევ კრიპტოზამთრის ხელშია“, ჰეისი 2023 წელს ინდუსტრიის აღდგენის ყველა წინაპირობას ხედავს.

ბიზნესმენი თავის ვარაუდს იმით განმარტავს, რომ მომავალში გაკოტრებული ყველა კომპანია ფინანსური კრიზისის პირობებში ლიკვიდობის შესანარჩუნებლად კრიპტოაქტივებს აქტიურად ყიდდა.

ჰეიზი ორიენტირად ბიტკოინის ღირებულებას იყენებს, რომელიც პრობლემური ორგანიზაციების „მთავარ სარეზერვო აქტივს“ წარმოადგენს და მასობრივი გაყიდვის შედეგად მცირდება. BitMEX-ის ყოფილი ხელმძღვანელის თქმით, BTC-ის ფასის სტაბილიზაცია და მისი ზრდა,  კრიზისული პერიოდის ფაზის დასრულებისა და ბაზრის განწყობის შეცვლის მაჩვენებელია.

„დანამდვილებით ვერ ვიტყვი, რომ მრავალჯერადი ვარდნის პირობებში წარუმატებელი ინსტიტუტების მფლობელობაში არსებული ყველა ბიტკოინი გაიყიდა, მაგრამ როგორც ჩანს, ყველა მათგანი ყველაზე ლიკვიდური რეზერვის რეალიზებას უშუალოდ გაკოტრების წინ ცდილობდა.“

თუ არტურ ჰეისის მიერ გამოვლენილ კანონზომიერებას დავეყრდნობით და BTC-ის გაცვლითი კურსის დინამიკით ვიხელმძღვანალებთ, მაშინ უნდა ვივარაუდოთ, რომ კრიპტოვალუტის ბაზარმა შესაძლოა ვარდნა გააგრძელოს.

ცნობილი კრიპტოვალუტის სკეპტიკოსის პიტერ შიფის თქმით (Peter Schiff), უახლოეს მომავალში ბიტკოინის ფასი შესაძლოა რამდენჯერმე შემცირდეს.