„შავი სია“ USDC მომხმარებლებს 3600000$ უჯდებათ

„შავი სია“ USDC მომხმარებლებს 3600000$ უჯდებათ

USDC-ის მომხმარებლებს „შავი სიის“ შენარჩუნება  ყოველთვიურად 3,6 მილიონი დოლარი უჯდებათ.

 პროექტ 0x-ის ინჟინერისა და კრიპტობირჟა  Coinbase-ის მონაცემთა სპაციალისტის, ალექს კროგერის თქმით, შავ სიაში შეყვანილი მისამართების გადამოწმების ფუნქცია USDC მომხმარებლებს თვეში 3,6 მილიონი დოლარი უჯდებათ.

ალექს კროგერმა (Alex Kroeger) თავის ბლოგში დაწერა, რომ USDC ტრანზაქციები მომხმარებლებს 40%-ით  ძვირი უჯდება, ვიდრე DAI ტრანზაქციები, მიუხედავად იმისა, რომ ორივე სტეიბლკოინი ERC-20 სტანდარტზეა დაფუძნებული. ტრანზაქციების ღირებულების გაზრდის მიზეზი კონსორციუმ Center-ის დეველოპერების მიერ შექმნილი ბლოკჩეინის მისამართების „შავი სია“ გახდა.

სიაში შესულია აკრძალული მისამართები, რომლებიც  ტერორიზმის დაფინანსების, ფულის გათეთრების, თაღლითობის და სხვა დანაშაულებრივი ქმედებებისთვის  განხორციელებული ფინანსური ოპერაციების დროს დაფიქსირდა.

სიის მიზანი მისამართების შემოწმებაა, ტრანზაქციების დაბლოკვისა და ანგარიშების გაყინვის უფლებით. ისევე როგორც აკრძალულ მისამართებთან ურთიერთობისგან არაინფორმირებული მომხმარებლების დაცვა.

ჩვეულებრივი ტრანზაქციის განხორციელებისას „შავი სიის“ შემოწმება ორჯერ ხდება, სხვა კონტრაქტებთან ურთიერთქმედებისას კი (მაგალითად დეცენტრალიზებულ ბირჟებთან) საჭიროა არანაკლებ სამი შემოწმებისა.

კროგერის განცხადებით, სწორედ სიის შემოწმების ღირებულება გახდა მთავარი მიზეზი იმისა, რომ USDC-ში ტრანზაქციები უფრო ძვირია, ვიდრე DAI-ში. 

მისი თქმით, მხოლოდ 2021 წლის დეკემბერში „შავი სიის“ შემოწმებამ USDC-ის მომხმარებლებს გაზის საფასურთან ერთად დაახლოებით 3,6 მილიონი აშშ დოლარი დაუმატა.

კროგერმა ტრანზაქციის საკომისიოების შემცირების საკუთარი გადაწყვეტა წარადგინა.

ის ტრანზაქციის ყველა ფუნქციიდან „შავი სიის“ შემოწმების ამოღებისა და ახალი ფუნქციის – ბალანსის გაყინვის ინიციატივით გამოვიდა. ეს ფუნქცია ადმინისტრატორს საშუალებას მისცემს კონკრეტული ანგარიშის ფულადი სახსრები „გაყინოს“.

კრუგერის წინადადებაზე კონსორციუმ Center-ის წარმომადგენელთა რეაქცია ჯერჯერობით უცნობია. 

კომპანია Circle-ის დამფუძნებლისა და აღმასრულებელმი დირექტორის, ჯერემი ელირმის ცნობით, 2019 წლიდან დღემდე USDC-ის საბაზრო კაპიტალიზაცია  10,000%-ით გაიზარდა და 50 მილიარდ დოლარს მიაღწია.

წყარო: https://bits.media/