შვედეთის მარეგულირებლები მაინინგის აკრძალვას ითხოვენ

შვედეთის მარეგულირებლები მაინინგის აკრძალვას ითხოვენ

შვედეთის „მწვანეების“ მოწოდება დიდწილად ჩინეთის გზას შეესაბამება: მათ მაინინგის აკრძალვა და ინვესტიციების შეზღუდვა სურთ მანამ, სანამ

მაინინგი „ეკოლოგიურად უსაფრთხო“არ გახდება. შვედ ენერგეტიკოსებს საპირისპირო პოზიცია აქვთ.
დეპარტამენტების ხელმძღვანელები შეშფოთებულნი არიან მაინერების მიერ ელექტროენერგიის მაღალი მოხმარებით .

შვედეთის ფინანსური ზედამხედველობის სამსახურის აღმასრულებელმა დირექტორმა ერიკ ტედენმა (Thedéen Erik)

და გარემოს დაცვის სააგენტოს აღმასრულებელმა დირექტორმა ბიორნ რაიზინგერმა (Björn Risinger),

ევროკავშირს ინტენსიური ენერგომოხმარების მაინინგის სრული აკრძალვისკენ მოუწოდეს.
დეპარტამენტების ხელმძღვანელები მიიჩნევენ, რომ მაინინგზე უარის თქმა ელექტროენერგიის მოხმარებას 99%-ით შეამცირებს.

მათი შეთავაზება ფაქტობრივად სამ პუნქტს მოიცავს:

1. ევროკავშირის ტერიტორიაზე ინტენსიური ენერგომოხმარების მაინინგი სრულად აიკრძალოს.

2. შეჩერდეს მაინინგ დატაცენტრების მშენებლობა, რომლებიც ჭარბ ელექტროენერგიას მოიხმარენ.

3. კომპანიებს, რომლებიც ინვესტირებას ჭარბი მოცულობის ელექტროენერგიის შედეგად მოპოვებულ კრიპტოვალუტებში ახდენენ, ბაზარზე შესვლა აეკრძალოთ.

ინიციატივის ავტორები აცნობიერებენ, რომ ამან შესაძლოა მაინერების სხვა ქვეყნებში გადანაცვლება გამოიწვიოს და გლობალური პრობლემა არ გადაჭრას.

თუმცა მიაჩნიათ, რომ შვედეთმა და ევროკავშირმა სხვა ქვეყნებსა და რეგიონებს მაგალითი უნდა მისცენ.

„ევროკავშირში მაინინგის კონკრეტულ მეთოდზე შეზღუდვის დაწესება შესაძლოა კრიპტოვალუტების მოპოვების ენერგოეფექტური მეთოდების

უფრო ფართოდ გამოყენებისკენ პირველ ნაბიჯად იქცეს. ეს იქნება იმის მანიშნებელიც, რომ ჩვენი განახლებადი ენერგია კლიმატური ნეიტრალობისკენ

გადასვლის მხარდასაჭერად მაქსიმალურად ეფექტურად იქნება გამოყენებული.“

მარეგულირებლებს არ ეთანხმება სახელმწიფო საკუთრებაში არსებული ელექტროენერგეტიკული კომპანია Vattenfall   და ბიტკოინის მაინინგს,

როგორც შვედეთის ელექტრო ქსელის დატვირთვის დაბალანსების შესაძლებლობას განიხილავს.

Vattenfall-ის ელექტროენერგიის მენეჯმენტის ხელმძღვანელი ჰენრიკ იუჰლინი (Henrik Juhlin) განმარტავს, რომ შვედეთში განახლებადი წყაროებიდან მიღებული

ელექტროენერგიის მიწოდება მოთხოვნას აღემატება. მისივე თქმით, ქარის გენერატორების ან მზის პანელების მიერ გამომუშავებული ელექტროენერგიის ოდენობის

რეგულირება შეუძლებელია. მას მიაჩნია, რომ დატაცენტრებს ამ ჭარბი ენერგიის მოხმარება და ამით ქვეყნის ელექტრო ქსელის დაბალანსება შეუძლიათ.

იუჰლინის აზრით, ევროკავშირში კრიპტოვალუტის მაინინგის აკრძალვა გამოიწვევს დატაცენტრების გადატანას რეგიონებში, რომლებიც „ბინძურ“ ენერგიას იყენებენ,

მაგალითისთვის როგორიცაა ნახშირი. ეს კი პირიქით, დედამიწის ატმოსფეროში გამოყოფილი ნახშირბადის მოცულობას გაზრდის. 

შეგახსენებთ, რომ ჩინეთში მაინინგის აკრძალვამ, რომელიც მიზნად ნახშირბადის გამონაბოლქვის შემცირებას და ფინანსური სისტემის სტაბილიზაციას ისახავდა,

განაპირობა ის, რომ მაინერებმა თავიანთი საქმიანობა შეერთებულ შტატებში, ყაზახეთსა და რუსეთში გადაიტანეს.

წყარო: https://bits.media

Bitcoin Mining, Cryptocurrancies, Cryptonews, cryptonews.ge, Green minig, Mining, Regulatios, ბიტკოინ მაინინგი, კრიპტო მაინინგი, კრიპტონიუსი, კრიპტოსიახლეები, მაინინგი, მაინინგის რეგულირება