ჩარლზ ჰოსკინსონმა კრიპტო ბაზრის ვარდნის მიზეზები დაასახელა

ჩარლზ ჰოსკინსონმა კრიპტო ბაზრის ვარდნის მიზეზები დაასახელა

Cardano-ს დამფუძნებელმა ჩარლზ ჰოსკინსონმა მისი მოსაზრებით კრიპტოვალუტის ვარდნის რეალური მიზეზები დაასახელა.

ჰოსკინსონი ეჭვობს, რომ კრიპტო ბაზრის ვარდნის მთავარ მამოძრავებელ ძალას მსხვილი კომპანიები წარმოადგენდნენ, რომლებიც ციფრული აქტივების გასაყიდად pump and dump სქემას მიმართავდნენ.

ბიზნესმენის თქმით, ისეთი კომპანიები, როგორიცაა Citadel, მათ მიერ შეძენილი კრიპტოვალუტების მასობრივად გაყიდვამდე ფასებს ხელოვნურად ზრდიდნენ, რამაც ბაზრის ჩაძირვა გამოიწვია.

Cardano-ს დამფუძნებლის თქმით, აგრესიული სპეკულაციის მეშვეობით ასეთმა კომპანიებმა ათობით მილიარდი დოლარის მოგება ნახეს.

შედეგად, მარკეტმეიკერები რთულ მდგომარეობაში აღმოჩნდნენ, საცალო ინვესტორებმა ზარალი განიცადეს ხოლო კრიპტო ბაზარი შოკთან გამკლავებას კვლავაც ცდილობს. ჰოსკინსონმა სინანული გამოთქვა იმის გამო, რომ რამდენიმე გახარბებული კომპანიის დომინირებისა და მაღალი საკრედიტო ბერკეტის გამო კრიპტო ბაზარი დაუცველი გახდა.
მისი აზრით, საცალო ინვესტორებმა ჯერ კიდევ ვერ გამოიტანეს გაკვეთილი 2021 წლის კურსის ზრდის პერიოდიდან.

ბიზნესმენმა მოცემული პერიოდი „ირაციონალურ ოპტიმიზმად“ შეაფასა, როცა შეუცვლელ ტოკენებს (NFT) ინვესტორებისთვის მილიონობით დოლარი მოჰქონდათ. თუმცა, კრიპტო ბირჟა FTX-ისა და ტოკენ LUNA-ს კოლაფსმა საზოგადოების მხრიდან კრიპტო ბაზრის მიმართ ნდობა სერიოზულად შეარყია, გაიხსენა Cardano-ს აღმასრულებელმა დირექტორმა.

მას მიაჩნია, რომ ციფრული აქტივების ბაზარი უფრო სტაბილური მას შემდეგ გახდება, რაც აშშ ფასიანი ქაღალდებისა და ბირჟების კომისიასა (SEC) და სასაქონლო ფიუჩერსებით ვაჭრობის კომისიას (CFTC) შორის უფლებამოსილებების გამყოფ კანონს მიიღებს. მისი აზრით, ამან კრიპტოვალუტების მიმართ ინვესტორების ნდობა უნდა გაზარდოს. ჰოსკინსონის ვარაუდით 2026 წლის ბოლოსთვის ბიტკოინის ფასი 250,000 დოლარს მიაღწევს.

წყარო: https://x.com/MetaMan/status/1992857869075833231