ჩინეთში აკრძალვასთან დაკავშირებით BTC-ის კურსი 37000$ მდე ჩამოვიდა
21 მაისს ჩინეთის ფინანსური სტაბილურობისა და განვითარების კომიტეტის სხდომა ჩატარდა, სადაც მაინინგისა და ბიტკოინით
ვაჭრობის აკრძალვა განიხილეს.
შესაბამისი განცხადება ჩინეთის სახალხო რესპუბლიკის სახელმწიფო საბჭოს ვიცე-პრემიერმა ლიუ ჰემ (Liu He) გააკეთა.
მისი აზრით, სახელმწიფომ კონცენტრირება ფინანსური სისტემის მხარდაჭერაზე, ასევე ფინანსური რისკების შემცირებასა და
კონტროლზე უნდა მოახდინოს. ფინანსურ რისკებში სწორედ მაინინგი და კრიპტოვალუტები მოიაზრებოდა.
„ჩვენ უნდა შევებრძოლოთ ბიტკოინის მაინინგსა და კრიპტოვალუტებით ვაჭრობას, ასევე ხელი შევუშალოთ სოციალურ
სფეროში ინდივიდუალური რისკების გადაცემას.“-განაცხადა ლიუ ჰემ.
როგორც მედია აღნიშნავს, ეს არის პირველი შემთხვევა, როდესაც ჩინეთის მთავრობის მაღალჩინოსნის მიერ მაინინგის წინააღმდეგ პირდაპირი განცხადებები გაკეთდა. მთავრობის მხრიდან ასეთი ტიპის განცხადებები შესაძლოა ბიტკოინის მოპოვებისთვის დიდი რაოდენობით ელექტროენერგიის მოხმარებას უკავშირდებოდეს. ახლა ეკოლოგიის საკითხი ჩინეთის მთავრობისთვის მტკივნეულ თემას წარმოადგენს, რაც მაინინგის სფეროს საფრთხეს უქმნის.
ასეთ ფონზე ჩინელმა საცალო ინვესტორებმა კრიპტოვალუტების გაყიდვა დაიწყეს, რამაც ბიტკოინის კურსზე გავლენა მოახდინა. კურსმა 12%-იანი ვარდნა განიცადა და 36000$-მდე ჩამოვიდა
19 მაისს ბიტკოინის კურსი რამდენიმე საათში 30000$-მდე დაეცა, შემდეგ კი ისევ აღდგა 40000$-მდე. ჩინეთის მთავრობის მხრიდან გაკეთებული განცხადებები ბიტკოინის კურსის აღდგენას შეაფერხებს .
წყარო: https://bits.media
ჩინეთში აკრძალვასთან დაკავშირებით BTC-ის კურსი 37000$ მდე ჩამოვიდა
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)