ჩინეთში NFT პლატფორმების რაოდენობა ხუთჯერ გაიზარდა
ჩინეთში ბოლო ოთხი თვის განმავლობაში შეუცვლელი ტოკენების სავაჭრო პლატფორმების რაოდენობა ხუთჯერ გაიზარდა. მთავრობა ინდუსტრიის რეგულირებას აპირებს.
ჩინეთში NFT-ების პოპულარობის ზრდა ძირითადი ტექნოლოგიური გიგანტების: Ant Group, JD.com, Tencent და Alibaba-ს მხრიდან საკოლექციო ტოკენების გარშემო ატეხილი აჟიოტაჟის მიმართ გამოვლენილმა დიდმა ინტერესმა გამოიწვია.
Alibaba Group Holding-მა ინტელექტუალური საკუთრებით სარგებლობის უფლების ტოკენიზებული ლიცენზიების გასაყიდად NFT პლატფორმა აამოქმედა. ტექნოლოგიურმა კონგლომერატმა Tencent კი მეტავერსიაში ვირტუალური კონცერტების პატენტზე შეიტანა განაცხადი და ასევე საკოლექციო NFT-ებით ვაჭრობის საკუთარი პლატფორმა აამოქმედა.
ჩინელი მარეგულირებლები მიიჩნევენ, რომ მკაცრი რეგულირების დაუყონებლივ შემოღება NFT პლატფორმების მომხმარებელთა აჟიოტაჟს და მათ „ყალბი კონკურენციის მორევში ჩათრევას“ აიცილებს თავიდან.
14 ივნისს გამართულ “Guanhuo Metaverse 2022“ ციფრული კოლექციების ონლაინ სამიტზე ინდუსტრიის ექსპერტებმა კომპანიებს ბაზრის ზედამხედველობის გაძლიერება , ასევე ყურადღების ეკონომიკის რეალური სექტორების გაფართოვებაზე გამახვილება ურჩიეს.
მარტში საკუთარი ინფრასტრუქტურის მთავრობის ჩარევისგან დასაცავად ჩინურმა ინტერნეტ გიგანტებმა კორპორატიულ NFT ბაზარზე მომხმარებელთა ქცევის ნორმები შეცვალეს. Alibaba-ს მფლობელობაში მყოფმა პლატფორმამ Jingtan განაცხადა,
რომ ის მომხმარებლების მხრიდან საკოლექციო ტოკენების მასობრივად შეძენის მიზნით ბოტების გამოყენების შემთხვევაში დაუყოვნებლივ აცნობებდა სამართალდამცავ ორგანოებს. Tencent-მა კი თავისი WeChat აპის მომხმარებლებს NFT-ების გაყიდვა მესამე მხარის პროგრამული უზრუნველყოფის გამოყენებით აუკრძალა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)