ჩინელებს სამაინინგო ფერმები ყაზახეთში გადააქვთ

ჩინელებს სამაინინგო ფერმები ყაზახეთში გადააქვთ

ჩინელი მაინერები საქმიანობის წარმართვას მეზობელ ქვეყნებში განაგრძობენ და მათი ერთ-ერთი ფავორიტი ყაზახეთია.

BTC.com-ის შემდეგ ყაზახეთში სამაინინგო ფერმას Canaan-იც განათავსებს.

მაინინგისთვის განკუთვნილი მოწყობილობების ჩინურმა მწარმოებელმა Canaan Creative, რომელიც ბრენდ Avalon-ის სახელით

არის ცნობილი, საკუთარი სამაინინგო საქმიანობის დაწყების შესახებ გააკეთა განცხადება. პირველი ბიტკოინის ფერმა ყაზახეთში განთავსდება.

როგორც პრეს-რელიზშია აღნიშნული, გადაწყვეტილება ბიტკოინის მაღალი ვოლატილობის ფონზე სამაინინგო მოწყობილობებზე

არასტაბილური მოთხოვნით არის გამოწვეული. საკუთარი სამაინინგო ფერმის ამოქმედება კომპანიას შემოსავლების ოპტიმიზაციის

და მოწყობილობების მარაგებისა და მიწოდების ჯაჭვების მართვის საშუალებას მისცემს.

„ვფიქრობთ, რომ ბიტკოინის მოპოვება ჩვენი ფინანსური შედეგების გაუმჯობესებას შეძლებს, მოიზიდავს ახალ კლიენტებს და

ასევე ჩვენი ბიზნესის დივერსიფიკაციას მოახდენს.“- განაცხადა Canaan-ის აღმასრულებელმა დირექტორმა ნანგენ ჯანგმა (Nangeng Zhang).

ამასთან კომპანიას ბიტკოინების დაგროვება აქვს დაგეგმილი, რათა პირველი კრიპტოვალუტის ფასის მორიგი გაზრდის დროს მათი

გაყიდვა მოახდინოს.

კომპანიის მიერ პირველი სამაინინგო ფერმისთვისთვის ყაზახეთის არჩევა შემთხვევითი არ არის – ხელმისაწვდომი ელექტროენერგიის გამო ქვეყანა მაინერებს შორის პოპულარობით სარგებლობს. BTC.com-ს ფერმები ჩინეთიდან ყაზახეთში და აშშ-ში გადაააქვს. თუმცა, ახლა ქვეყანაში მაინერებისთვის ელექტროენერგიაზე ახალი გადასახადების დაწესების განხილვა მიმდინარეობს, რამაც შესაძლოა ყაზახეთი სამაინინგო ფერმების ორგანიზაციებისთვის ნაკლებად მიმზიდელი გახადოს.

ცოტახნის წინ ცნობილი გახდა, რომ Canaan-მა ჩინეთის საზღვრებს გარეთ თავისი პირველი სერვის ცენტრი ასევე ყაზახეთში გახსნა.

წყარო: https://bits.media

ჩინელებს სამაინინგო ფერმები ყაზახეთში გადააქვთ