ჩრდილოეთ კორეელმა ჰაკერებმა ყალბი კრიპტობირჟა შექმნეს

ჩრდილოეთ კორეელმა ჰაკერებმა  ყალბი კრიპტობირჟა შექმნეს

ბლოკჩეინის უსაფრთხოების ტექნოლოგიების პროვაიდერი კომპანიების Volexity-სა და Malwarebytes-ის განცხადებით, ჩრდილოეთ კორეელმა ჰაკერებმა, რომლებიც სავარაუდოდ  ჯგუფ Lazarus-ს მიეკუთვნებიან, შექმნეს კრიპტოვალუტის ბირჟა BloxHolder, რომელიც სავაჭრო პლატფორმა HaasOnline-ის კლონს წარმოადგენს.

იდენტურობის დამადასტურებელი მტკიცებულებების სახით, უსაფრთხოების სპეციალისტებმა თითქმის იდენტური ვებ გვერდების დიზაინი და  ტექსტების მაგალითები წარადგინეს.

უსაფრთხოების ექსპერტების გაფრთხილების თანახმად,  ყალბი ბირჟა BloxHolder-ის მომხმარებლებს  საინსტალაციო ფაილის ჩამოტვირთვას სთხოვენ, რომელიც ტროიან AppleJeus-ს შეიცავს.

AppleJeus-ს კომპიუტერების მისამართების, სახელების და წვდომის პაროლების მოპოვება შეუძლია, რაც მომხმარებლების კომპიუტერებზე შემდგომი არაავტორიზებული წვდომისა და კრიპტო აქტივების ქურდობისთვის  კრიტიკული ინფორმაციის შეგროვების საწყის ეტაპს წარმოადგენს.

Volexity-ს წარმომადგენლების განცხადებით,  ადრე ტროიან AppleJeus-ის ვარიანტების გასავრცელებლად Microsoft-ის დოკუმენტების გამოყენება არ შეუნიშნავთ, რაც შესაძლოა „Lazarus-ის მხრიდან ტაქტიკის შეცვლის“ მანიშნებელი იყოს.

აგვისტოში Bloomberg-მა და კომპანია Mandiant-ის ბლოკჩეინის უსაფრთხოების მკვლევარებმა განაცხადეს,

რომ ჩრდილოეთ კორეის მთავრობის მიერ დაფინანსებული ჰაკერები ციფრული ვალუტის ბაზრიდან თანხების მოპარვის ახალ მეთოდებს მეტ ყურადღებას უთმობენ.

Lazarus Group-ის წევრები თავს IT პროფესიონალებად წარადგენენ  და მომხმარებელთა LinkedIn-ის რეზიუმეებს იპარავენ.

მათ იმედი აქვთ, რომ ინსაიდერულ ინფორმაციას მოიპოვებენ და შექმნიან ბექდორებს, რომლებიც მოგვიანებით ამ პლატფორმების მეშვეობით თანხების მითვისების საშუალებას მისცემთ.