ჩრდილოეთ კორეელმა ჰაკერებმა 3 მილიარდის კრიპტოვალუტა მოიპარეს
როგორც Wall Street Journal-ის ჟურნალისტები იუწყებიან, ბოლო ხუთი წლის განმავლობაში ჩრდილოეთ კორეამ ბირთვული პროგრამის დაფინანსების მიზნით, ჰაკერების მეშვეობით 3 მილიარდი დოლარის კრიპტოვალუტის მოპარვა შეძლო.
ქვეყანამ შექმნა და ახლაც ქმნის ათასობით IT სპეციალისტისგან შემდგარ ჩრდილოვან სამუშაო ძალას. ისინი საქმიანობას მსოფლიოს თითქმის ყველა ქვეყანაში ეწევიან, მათ შორის რუსეთსა და ჩინეთში.
ყველა მათგანი რუტინული სამუშაოს შესრულებისთვის წელიწადში 300 000 დოლარზე მეტს გამოიმუშავებს. ეს ადამიანები თავს კანადელ IT სპეციალისტებად, სახელმწიფო მოხელეებად და იაპონელ შტატგარეშე ბლოკჩეინის დეველოპერებად წარმოადგენენ.
ზოგჯერ მათ თავის წარდგენა პოტენციურ დამსაქმებლებადაც შეუძლიათ.
კრიპტოვალუტის კომპანიებში დასაქმების მიზნით, ისინი მსახიობებს ქირაობენ, რომლებიც მათ ნაცვლად გადიან გასაუბრებას.
დასაქმების შემდეგ მათ კომპანიის პროდუქტში მცირე ცვლილებები შეაქვთ, შემდეგ კი მის გატეხვას ახდენენ, წერენ WSJ-ს ჟურნალისტები.
მანამდე ცნობილი გახდა, რომ ჩრილოეთ კორეასთან დაკავშირებულმა ჰაკერებმა 2017 წლიდან 2022 წლამდე იაპონელი მეწარმეებისგან 721 მილიონი დოლარის კრიპტოვალუტა მოიპარეს.
აშშ-ის ხელისუფლება მიიჩნევს, რომ კიბერშეტევები და კრიპტოვალუტების ქურდობა ჩრდილოეთ კორეის ხელისუფლების შემოსავლის მთავარ წყაროდ იქცა.
ვაშინგტონის განცხადებით, ჩრდილოეთ კორეის სარაკეტო პროგრამის მინიმუმ ნახევარი კიბერდანაშაულით მოპოვებული სახსრებით ფინანსდება.
მაისში, Sekoia-ს ანალიტიკოსებმა მოხსენება გამოაქვეყნეს, რომლის მიხედვითაც, ჩრდილოეთ კორეელი ჰაკერების ჯგუფი BlueNoroff მავნე პროგრამა RustBucket-ის მეშვეობით macOS-ის მომხმარებლებს ესხმოდა თავს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)