ცენტრალიზებული ბირჟები ხელისუფლებისგან ვერ დაგიცავთ

ცენტრალიზებული ბირჟები ხელისუფლებისგან ვერ დაგიცავთ

კრიპტო ბირჟა Kraken-ის CEO : „ ცენტრალიზებული ბირჟები  ხელისუფლებისგან ვერ დაგიცავთ “

ბირჟა Kraken-ის აღმასრულებელმა დირექტორმა ჯესი პაუელმა (Jesse Powell) მომხმარებლებს ცენტრალიზებული ბირჟებიდან თანხების გატანისკენ მოუწოდა.

მოწოდება მას შემდეგ გაკეთა, რაც კანადის პოლიციამ „თავისუფლების კონვოის“ წევრების საფულეების გაყინვა მოითხოვა.

ჯესი პაუელმა ხაზგასმით აღნიშნა, რომ ცენტრალიზებულ და რეგისტრირებულ პლატფორმებს სხვა არჩევანი არ აქვთ. მათ სამართალდამცავებისა და მარეგულირებლების მოთხოვნები უნდა შესრულონ. ამიტომ მოსალოდნელია, რომ საფულეების გაყინვა გაგრძელდება.

თავად ამ პრაქტიკას არ ეთანხმება, თუმცა საწინააღმდეგოსაც ვერაფერს აკეთებს.

„სასამართლო პლებეებისთვისაა. კანადაში ამასთან დაკავშირებით ყველაფერი რიგზეა. თუ ადამიანები ხელისუფლებას არ ეთანხმებიან, თქვენ უბრალოდ ახდენთ მათი შემოსავლების

კონფისკაციას, ართმევთ ლიცენზიებს და რიცხავთ ფინანსური სისტემიდან. როცა ძალადობაზე მონოპოლია გაქვთ, არ დგას კანონის, პოლიტიკის თუ სამართლის განხილვის აუცილებლობა.

თუ ჩვენთან მსგავსი მოთხოვნა შემოვა, ჩვენ მას დავემორჩილებით. ამის გაკეთებს გვაიძულებენ.

თუ ეს საკითხი გაწუხებთ, არ შეინახოთ ფული ცენტრალიზებულ პლატფორმებზე. ჩვენ თქვენი დაცვა არ შეგვიძლია. მონეტები თან იქონიეთ და მხოლოდ P2P ივაჭრეთ.“- დაწერა პაუელმა.

შეგახსენებთ, რომ ამ კვირაში კანადის სამართალდამცავმა ორგანოებმა ცენტრალიზებული ბირჟებისგან მოძრაობა „თავისუფლების კონვოისთან“ (Freedom Convoy) დაკავშირებული ყველა ტრანზაქციის დაბლოკვა მოითხოვეს.

იდენტიფიცირებული იქნა 30-ზე მეტი ასეთი მისამართი. ამასთან, პოლიციას ამ ქმედების განსახორციელებლად სასამართლო ორდერი არ მიუღია. კანადაში საგანგებო მდგომარეობა გამოცხადდა, რამაც პოლიციას სასამართლოს გარეშე მოქმედების უფლება მისცა.

წყარო: https://bits.media/