ცენტრალური ბანკების ციფრული ვალუტების მთავარი საფრთხე 

ცენტრალური ბანკების ციფრული ვალუტების მთავარი საფრთხე 

ჰეჯ-ფონდ Bridgewater Associates-ის დამფუძნებელმა რეი დალიომ (Ray Dalio) ჟურნალისტ ტაკერ კარლსონთან (Tucker Carlson) ინტერვიუში განაცხადა, რომ ცენტრალური ბანკების ციფრული ვალუტები (CBDC) ტრანზაქციების კონფიდენციალურობას ბოლოს მოუღებს.

როგორც დალიომ აღნიშნა, ცენტრალური ბანკების ციფრული ვალუტები შესაძლოა მათი მოხერხებულობისა და ანგარიშსწორების სიჩქარის გამო იყოს მიმზიდველი, თუმცა, ამ აშკარა სიმარტივის მიღმა ფუნდამენტური შეზღუდვები იმალება, რაც CBDC-ს ფულის გრძელვადიანი შენახვის საეჭვო ინსტრუმენტად აქცევს.

„ცენტრალური ბანკის ციფრულ ვალუტებთან დაკავშირებული ყველა ტრანზაქცია სახელმწიფოსთვის სრულიად გამჭვირვალე იქნება. ერთი მხრივ, ეს ხელს შეუწყობს უკანონო საქმიანობასთან ბრძოლას, მაგრამ მეორე მხრივ, ეს მოქალაქეების ფინანსურ ცხოვრებაში ჩარევის ფართო შესაძლებლობებს ქმნის. არ იქნება არავითარი კონფიდენციალურობა და ეს მთავრობის მხრიდან კონტროლის ძალიან ეფექტური მექანიზმია.“ – ხაზგასმით აღნიშნავს დალიო.

მილიარდერის თქმით, CBDC ხელისუფლებას შესაძლებლობას მისცემს პირდაპირ მართოს ფულადი ნაკადები: ავტომატურად დააწესოს გადასახადები და სავალუტო შეზღუდვები და საჭიროების შემთხვევაში, დაბლოკოს სახსრებზე წვდომა. დალიოს თქმით, ასეთ ინსტრუმენტებს ციფრული ვალუტების ფინანსური ზეწოლის მაღალეფექტურ ბერკეტად გადაქცევა შეუძლიათ.

მისი აზრით, განსაკუთრებული რისკების წინაშე ცენტრალური ბანკის ციფრული ვალუტის უცხოელი მფლობელები აღმოჩნდებიან. პოლიტიკური დაძაბულობის პირობებში, მთავრობებს სანქცირებული ქვეყნების მოქალაქეებისთვის თანხების ჩამორთმევა ან პოლიტიკური მიზეზების გამო სახსრებზე წვდომის შეზღუდვა შეუძლიათ. უკიდურეს შემთხვევაში, მომხმარებლები შესაძლოა უბრალოდ „გათიშონ“ სისტემიდან, ასკვნის დალიო.

მანამდე, კრიპტო ბირჟა Binance-ის აქციების საკონტროლო პაკეტის მფლობელმა ჩანგპენგ ჟაომ (Changpeng Zhao) ტოკიოში გამართულ WebX კონფერენციაზე განაცხადა, რომ ცენტრალური ბანკების ციფრული ვალუტები სტეიბლკოინების სწრაფი განვითარების გამო უკვე უსარგებლო ხდება.

წყარო: https://www.youtube.com/watch?v=-eskzPuh_5w