ცენტრალური ბანკი ციფრული ლარის ტესტირებისთვის ემზადება

ცენტრალური ბანკი ციფრული ლარის ტესტირებისთვის ემზადება

საქართველოს ცენტრალურმა ბანკმა სახელმწიფო კრიპტოვალუტის ამოქმედებისთვის საპილოტე პროექტის მომზადების შესახებ გამოაცხადა. პროექტის ფარგლრბში ციფრულ ლარზე სამუშაოდ ერთი პარტნიორი კომპანიის შერჩევა იგეგმება.

საპილოტე პროექტში ცხრა კომპანია მიიღებს მონაწილეობას, მათ შორის ამერიკული კომპანია Ripple.

საქართველოს ცენტრალური ბანკი ერთ პარტნიორ ორგანიზაციას, რომელიც მარეგულირებელს CBDC-ის განვითარებაში დაეხმარება, ტესტირების შედეგების საფუძველზე შეარჩევს.

ეროვნული ბანკის ფინანსური ტექნოლოგიების დეპარტამენტის უფროსმა, ვარლამ ებანოიძემ განაცხადა, რომ ციფრული ლარი, სხვა ყველაფერთან ერთად, შესაძლოა სოფლის მეურნეობის დაზღვევასა და უძრავი ქონების ტრანზაქციების ავტომატიზაციისთვის იქნას გამოყენებული.

„გრძელვადიანი კვლევისა და სათანადო განხილვების შემდეგ ეროვნული ბანკი ცხრა კომპანიისგან შემდგარ სიას აქვეყნებს. ამ ორგანიზაციებს პლატფორმის რეალურ გარემოში ტესტირებისთვის შესაბამისი გამოცდილება და საკმარისი ტექნოლოგიური პოტენციალი გააჩნიათ: AUGENTIC GmbH, Bitt Inc, Broxus Holdings Ltd, Currency Network Ltd, DCM Corp Limited, eCurrency Mint Inc, FARI Solutions Ltd, Ripple Labs, Inc, Sovereign Wallet Co, Ltd.“

ივნისში გავრცელდა ინფორმაცია, რომ საქართველოს ხელისუფლებამ სტრატეგიული პარტნიორობა კომპანია Tether-თან გააფორმა, რომელიც უმსხვილესი სტეიბლკოინის, USDT-ის უკან დგას.

კომპანია საქართველოს ბლოკჩეინის ინფრასტრუქტურის განვითარებაში დაეხმარება.